2018年8月26日 星期日

【自導自演老土劇情】容祖兒兩幕掀廉動作 王菲睇到先反眼後O嘴 __,祖兒,王菲,容祖兒,

(網上圖片)
曾經自嘲自己係「票房毒藥」嘅容祖兒,佢嘅演技大家有目共睹,但估唔到佢嘅創意都好老土,話說祖兒最近參加咗王菲做「幻樂體驗官」嘅大陸綜藝節目《幻樂之城》, ...


曾經自嘲自己係「票房毒藥」嘅容祖兒,佢嘅演技大家有目共睹,但估唔到佢嘅創意都好老土,話說祖兒最近參加咗王菲做「幻樂體驗官」嘅大陸綜藝節目《幻樂之城》,不過佢有份創作同演出嘅8分鐘音樂故事,王菲就似乎唔多鍾意,指故事「生硬」,而祖兒亦直認「很俗」(老土),仲認得好開心添。



事緣祖兒今次同大陸導演蔣笑笑合作,演出名為「如果還有明天」嘅音樂劇,故事就講述容祖兒同劇中男友Oscar(…又係叫Oscar…)參加比賽,然後比賽完發現男友同另一個女仔錫錫。跟住男友狠心同佢講分手,但最後又發現原來男友係有病、為咗唔影響佢比賽先咁做,而男友最後仲要死埋。



呢啲咁嘅老土劇情,連畫面都老土,尤其係劇中祖兒掀開廉見到男友同人錫錫、同祖兒去到醫院掀開廉見到張空嘅病床嘅場面,就連見慣世面嘅王菲亦都頂唔順,邊睇邊O嘴,而病床嗰幕更大叫「Oh My God!」



當祖兒表演完後,主持就問祖兒點解會有咁嘅創意,點知自爆人生中已經參加過33個婚禮嘅祖兒就好理直氣壯咁回答:「我喜歡愛情故事!」一講完,唔止全場,就連佢自己都忍唔住大笑。



之後導演蔣笑笑就幫祖兒解畫:「因為她一直在渴望、期待愛情。」到身為幻樂體驗官嘅王菲品評嗰陣,王菲先讚祖兒嘅歌唱得好,然後就彈劇情:「我實話實說,這個……(容祖兒插嘴:演技!)劇情,不是演技,我覺得劇情稍微有一點……生硬……就是為了這麼讓人家誤會,就找個甚麼...我覺得這個橋段,對我來說有點……(容祖兒再插嘴:很俗)生硬。」



而呢一刻主持亦忍唔住話:「每次祖兒一掀廉王菲都說『天哪』,一掀廉看到病床上,『天哪』。」之後王菲又話:「我真的沒想到,一掀廉子是這麼一個場面,之前我們開創意會的時候,好像不是這麼說的,我不知道是不是後來有了修改……」



而導演就表示係:「因為後來有跟祖兒溝通……」而呢個時候祖兒又衝出嚟插嘴話:「我喜歡俗(老土)一點!」搞到王菲都冇咁好氣,笑住話:「OK...這個是她自己的創意,她心目中一個美好愛情的樣子,可能就是這個樣子,她喜歡就好了,然後大家喜歡就好了...但唱得真的是非常好,非常好!」



精選娛聞,喺晒《娛果》

http://fb.com/appledailyent



(網上圖片) 容祖兒參加大陸綜藝節目《幻樂之城》(網上圖片) 容祖兒參加大陸綜藝節目《幻樂之城》(網上圖片)
「如果還有明天」祖兒有份導同演o架(網上截圖)

「如果還有明天」祖兒有份導同演o架(網上截圖)
祖兒第一次掀開廉見到男友同另一個女仔錫錫,王菲已經睇到反眼(網上截圖)

祖兒第一次掀開廉見到男友同另一個女仔錫錫,王菲已經睇到反眼(網上截圖)
之後劇情講到男友俾封信祖兒解釋,要分手嘅理由(網上截圖)

之後劇情講到男友俾封信祖兒解釋,要分手嘅理由(網上截圖)
祖兒第二次掀開廉,王菲直情大叫「OH MY GOD!」(網上截圖)

祖兒第二次掀開廉,王菲直情大叫「OH MY GOD!」(網上截圖)
對於點解要創作呢個故仔,祖兒理直氣壯話「我喜歡愛情故事」(網上截圖)

對於點解要創作呢個故仔,祖兒理直氣壯話「我喜歡愛情故事」(網上截圖)
王菲好厚道,用「生硬」嚟形容祖兒嘅故仔 (網上截圖)

王菲好厚道,用「生硬」嚟形容祖兒嘅故仔 (網上截圖)
 反而祖兒就自知自己故仔老土,仲話鍾意添(網上截圖)

反而祖兒就自知自己故仔老土,仲話鍾意添(網上截圖)

鍾意就快D Share啦!