羅霖同劉坤銘於2013年離婚，一度為贍養費對簿公堂，最後兩人協議庭外和解，三個仔撫養權屬於羅霖。
羅霖前日受訪時稱，最近到過律師樓，計過6年內嘅支出同收入，照顧3個仔嘅使費，超過500萬。佢當日仲話：「呢六年嚟，冇一個人相信我贍養費係零，到噚日仲有人問緊我，冇可能冇贍養費，真係零。」佢又舉例，大仔外國升學3年至少使咗150萬，二仔美國讀兩年書，使費都超過100萬。
而劉坤銘今日向傳媒回覆指，多年來考慮到兒子尚未成年，選擇克制同沉默保護兒子，但鑑於長子及次子已成年，三子亦進入青春期，希望藉機會釐清誤解。劉坤銘在信中稱：「自2011年，羅霖單方面申請離婚至今，羅小姐一直以離婚案件，不斷作出失實的報道。」當中或涉及誹謗，又不滿羅霖以受害人身份自居及以孩子作宣傳。劉坤銘又表示渴望與孩子建立關係，但就遭到羅霖破壞。
劉坤銘又稱，已按照12年的離婚協議及法庭的頒令，作出財產處理，包括房產、現金等資產轉移俾咗羅霖，又謂：「本人亦按法庭的指令完成支付給予羅小姐的所有相關金額。」
而羅霖講過「贍養費係零」，劉坤銘就指兒子的生活費，父母都應當承擔，劉坤銘在回覆中指：「一直無間斷地支付三個孩子的學費，直至三個孩子完成大學。」
劉坤銘最後表示將考慮申請禁制令，阻止羅霖利用孩子宣傳，又話會就誹謗保留法律權利。
對於前夫劉坤銘公開反擊，《蘋果》嘗試聯絡羅霖，暫未回覆。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
