掃呢頁CODE去手機

2016年5月28日 星期六

32年前夥黃百鳴拍《開心鬼》入行 羅明珠公認開心果 朋友永懷 __,羅明珠,黃百鳴,

32年前夥黃百鳴拍《開心鬼》入行 羅明珠公認開心果 朋友永懷開心少女羅明珠昨早突然心臟病猝逝,終年47歲。羅明珠當年以15歲半之齡出道,一手提攜她的黃百鳴和高志森,與其他成員袁潔瑩、李麗珍等均對其離世感震驚及難過。羅明珠最近有意復出拍戲,對圈中後輩好照顧,曾是情敵的譚小環更讚她是開心果。羅明珠原名羅皓茵,於80年代加入新藝城電影,首部參與的電影是1984年黃百鳴監製、高志森執導的《開心鬼》,黃百鳴 ...


32年前夥黃百鳴拍《開心鬼》入行 羅明珠公認開心果 朋友永懷

開心少女羅明珠昨早突然心臟病猝逝,終年47歲。羅明珠當年以15歲半之齡出道,一手提攜她的黃百鳴和高志森,與其他成員袁潔瑩、李麗珍等均對其離世感震驚及難過。羅明珠最近有意復出拍戲,對圈中後輩好照顧,曾是情敵的譚小環更讚她是開心果。

羅明珠原名羅皓茵,於80年代加入新藝城電影,首部參與的電影是1984年黃百鳴監製、高志森執導的《開心鬼》,黃百鳴昨早收到羅明珠的親戚電話,得聞噩耗感震驚,他在電話中說:「好突然,十幾日前先同佢見面食飯,因為成班朋友入貝沙灣,佢住附近就叫埋佢。嗰晚食飯佢好多嘢講,個個都好開心,唔覺佢有病,我直情覺得佢有過度活躍,龍精虎猛咁,佢個個都係朋友,冇敵人,係大家眼中嘅開心果。」



【1968-2016】

■羅明珠昨日猝逝,終年47歲,她在朋友眼中是開心果,經常吱吱喳喳,性格開朗。

執倪淑君二攤高志森則爆當年羅明珠臨危受命演《開心鬼》,他解釋:「原本第一女主角係拍完《陰陽錯》之後大紅嘅倪淑君(台灣女星),第二女主角係李麗珍,但開咗工一日,倪就話要開陳勳奇部戲冇期。我發茅換人,嗰時新藝城員工Winnie話有個姪女好醒目,即晚凌晨就約見羅明珠,遠高於我要求。」談到最難忘一幕,是羅明珠在尖東海濱公園穿上緊身運動衣跑步,看試片後羅明珠撒嬌說:「你好衰㗎,你好衰㗎。」之後高志森跳槽德寶電影公司,只帶走李麗珍和羅美薇,沒有帶羅明珠是覺得她當時的經歷未夠,他說:「之後30年都係同佢擦身而過。」

其他「開心少女」李麗珍、陳加玲、袁潔瑩等無不傷感難過,李麗珍昨日與女兒飛加拿大,在機場途中得知消息感到愕然,袁潔瑩說:「好難接受,4月8日黃百鳴生日會上先見過面,佢當時仲吱吱喳喳不停講嘢,冇變過。嗰晚仲見佢靚咗、弗咗,我仲話下次上佢屋企,買埋士多啤梨同藍莓,因為佢好鍾意食生果。」陳加玲則說:「我都係百鳴哥生日會上見過佢,近年冇聯絡,唔知佢因乜過身。」而拍第二輯《開心鬼放暑假》的傅明憲連說三聲「好突然」後說:「大家識咗30年,真係好可惜,佢個人好開朗。」



■羅明珠(左一)曾與張國榮、李麗珍(左二)和柏安妮合作拍攝《為你鍾情》。劇照



■黃百鳴早前生日,(左起)關寶慧、羅明珠、李蕙敏、湯寶如與袁潔瑩均現身一齊慶祝。微博圖片



■譚小環和羅明珠都曾經與Sunny拍拖,但兩人早前一齊出席朋友生日派對,見面亦沒有尷尬。

同小環沒芥蒂羅明珠當年離開新藝城後,加入華星唱廣東歌及接拍無綫劇,與李克勤、呂方、張衛健等合作過,與克勤拍攝劇集《不再少年時》,克勤昨在電話中說:「嗰時佢係天真無邪少女,教我好多電視上嘅嘢,好可惜。」身在上海的呂方說:「印象中佢係個好可愛嘅女仔,聽講佢呢幾年好注重健康。」健仔說:「會為佢祈禱,希望佢媽媽勇敢啲,日子總要過。」陳雅倫與羅明珠曾同屬華星唱片,她說:「大家年紀差唔多,佢靚女又叻!」

在圈中人緣極好的羅明珠,經常出席不同飯局聯誼,譚小環與羅明珠雖然都曾經與排舞師Sunny Wong拍拖,但見面沒尷尬,小環說:「真係早幾日先見面,唔算熟,但佢係開心果,仲主動走嚟問我『你點呀?』可能大家都係性格樂觀,可以話一見如故。」羅明珠又曾與吳業坤一齊唱K,坤哥說:「佢對所有人都好nice。」

採訪:何永寧、皓騫、嵐山



■羅明珠上月底往看黎明演唱會巧遇陳慧琳(左),自拍時呈刀削臉。



■羅明珠昨早突然心臟病猝逝,遺體被安放瑪麗醫院殮房。攝影:朱志聰


鍾意就快D Share啦!