伊能靜以47歲高齡為細佢10年嘅大陸演員秦昊陀猴B女，預產期喺今年6月，早前佢全面停工留喺台灣待產，日前佢仲晒出一對腫腳，不過噚日佢就飛咗去加州，ready生B。唉!老公係大陸人、佢係台灣人，居然去咗美國生B!?伊能靜初時由北京返台灣養胎，之前台灣指出，佢同前夫庾澄慶生嘅囝囝「小哈利」喺美國出世，原來伊能靜都想去美國分娩，噚日有人爆料，於25日晚上(周三)喺台北桃園機場見到大肚嘅伊能靜，坐上華航CI008班機，前往美國洛杉磯，決定喺美國待產。伊能靜噚日都喺微博貼出環境相留言：「小小秦的娘到加州了～這裏也是小王子出生的地方～昨天真是孕後期笨呆，跑錯航站，台灣兩個航站樓較遠，很像北京要搭車～還好兩位地勤主動幫忙帶路…」佢自嘲懷孕期後期變笨，伊能靜與友人今個月25號喺機場準備登機時，竟然跑錯去另一航航廈，更有報道稱伊能靜一度發脾氣，話有70幾公斤行李、「自己懷孕7個多月」，佢又聲稱要見主管，又拎出翡翠卡(華航第2高等級卡別)，據知伊能靜回程機票訂咗7月，即係預產6月底嘅伊能靜，7月就返台灣，最終由兩位地勤人員幫忙推行李，才順利登機。佢仲喺微博貼咗唔少抵達美國後嘅生活相，幫就嚟出世嘅囡囡喺美國網站訂咗唔少衫，成間房以粉紅、白為主色，襯晒佢嘅「永遠少女心」!現時身在美國嘅伊能靜開始每個星期要做產檢，亦有「姐姐」陪佢去醫院，未知佢講嘅「姐姐」係唔係已經搵定陪月幫手呢?
|
鍾意就快D Share啦！
|
|
|
