掃呢頁CODE去手機

2016年5月28日 星期六

英超Fever:【寸王入魔】8.25億肥約!莫連奴正式帶曼聯 __,曼聯,

(互聯網圖片)全球曼迷最期待一幕終於出現!曼聯正式宣布聘請莫連奴,取代尹戈爾成為新領隊,「寸王」已經簽約5年,年薪高達1,500萬鎊。更加令曼迷興奮嘅係,瑞典媒體爆出猛料,話伊巴謙莫域已經扑槌「入魔」,而且仲會出任莫連奴嘅助教兼球員!莫連奴同伊巴謙莫域嘅組合Work唔Work就未知,但寸咀指數肯定英超至勁!早已準備就緒嘅莫連奴,已靜靜鎖定增兵目標,包括伊巴謙莫域、沙迪奧馬尼同史東斯等等,不過最驚人 ...


(互聯網圖片)

全球曼迷最期待一幕終於出現!曼聯正式宣布聘請莫連奴,取代尹戈爾成為新領隊,「寸王」已經簽約5年,年薪高達1,500萬鎊。更加令曼迷興奮嘅係,瑞典媒體爆出猛料,話伊巴謙莫域已經扑槌「入魔」,而且仲會出任莫連奴嘅助教兼球員!莫連奴同伊巴謙莫域嘅組合Work唔Work就未知,但寸咀指數肯定英超至勁!

早已準備就緒嘅莫連奴,已靜靜鎖定增兵目標,包括伊巴謙莫域、沙迪奧馬尼同史東斯等等,不過最驚人嘅係,權威報章《瑞典晚報》指伊巴謙莫域已決定加盟曼聯,34歲嘅佢除咗踢波外仲會兼任助教,同莫連奴拍住上!消息話兩位「寸王」喺國際米蘭時期合作無間,性格作風亦啱晒咀型。

更加吻合嘅係,英國《太陽報》透露曼聯現任助教傑斯,將會拒絕擔任莫連奴副手,因為佢覺得自己已經夠料正式掌管一支球隊,意味呢位威爾斯傳奇將會結束29年嘅「紅魔生涯」。


來源 source: http://hk.on.cc
鍾意就快D Share啦!