掃呢頁CODE去手機

2016年5月28日 星期六

英超Fever:三獅最細處子戰士哥拿 福仔去硬法國! __,

(美聯社圖片)拉舒福特又創奇迹,封英格蘭年紀最細處子戰入球者!呢名曼聯幼齒射手,只用3個月時間就征服全英國,周六凌晨熱身賽「三獅兵團」主場對澳洲,福仔正選上陣,只用135秒就窩利入靚波,以18歲208日之齡創新紀錄;而佢正宗係「處子戰之王」,剛過去球季於歐霸及英超處子戰都分別建功。咁嘅實力功績,英軍領隊鶴臣唔係唔帶佢去法國踢歐國盃決賽周呀嘩?英格蘭主場對袋鼠國,開波2分零鐘,福仔接應隊友傳送,於禁 ...


(美聯社圖片)

拉舒福特又創奇迹,封英格蘭年紀最細處子戰入球者!呢名曼聯幼齒射手,只用3個月時間就征服全英國,周六凌晨熱身賽「三獅兵團」主場對澳洲,福仔正選上陣,只用135秒就窩利入靚波,以18歲208日之齡創新紀錄;而佢正宗係「處子戰之王」,剛過去球季於歐霸及英超處子戰都分別建功。咁嘅實力功績,英軍領隊鶴臣唔係唔帶佢去法國踢歐國盃決賽周呀嘩?

英格蘭主場對袋鼠國,開波2分零鐘,福仔接應隊友傳送,於禁區內窩利轟入靚波,取得國家隊生涯夢幻開局,難怪佢本人笑到見牙唔見眼,而一班隊友都攬到佢實戥佢高興。呢個入波,令福仔打破78年前,湯美羅頓嘅年紀最細處子戰入球紀錄;另一方面亦令佢僅次於朗尼及奧雲之後,成英軍史上最細士哥拿嘅第3名。換邊後後備入替嘅朗尼,接應史達寧傳中,空晒狂抽網頂入網拉開比數。雖然澳洲之後靠艾歷迪亞擺烏龍追番1粒,但英軍仍贏2:1,近5場熱身賽贏4場。

今場焦點福仔,處理個入球勁有功架,咁嘅質素絕對值得入選踢歐國盃,同哈利卡尼同占美華迪爭正選位;而佢今場入波後,因傷冇落場嘅利物浦前鋒史杜列治,即刻黑晒面,可能佢都知道,福仔橫空出世,自己要於決賽周落場勁難。福仔3個月前完全冇人識,但於歐霸首次落場對米迪蘭特就入2粒,之後英超對阿仙奴,一樣喺聯賽處子戰梅開二度。92日內完成處子戰帽子戲法,福仔或者就係下個球壇傳奇!

即刻去東網足球facebook SO東波睇片

SO東波link

http://on.fb.me/1PWMCFH 


來源 source: http://hk.on.cc
鍾意就快D Share啦!