黃宗澤17歲選校草 自嘲磨轆
藝人最怕被翻舊相，容易惹來變臉疑雲，現年35歲的黃宗澤（Bosco）近日被貼出17歲時參加過「YES！98校園花草選舉」的照片，早熟的Bosco當年chok爆放電卻落敗收場，不過網民仍讚他靚仔，而Bosco就自嘲當年成個磨轆。
■現年35歲的黃宗澤出道至今都保持靚樣，冧盡不少女粉絲。資料圖片
■黃宗澤當年17歲時被同學出賣，報名參選校草。互聯網圖片
■黃宗澤（右）出道時曾與張栢芝面貼面拍檸檬茶廣告。互聯網圖片
雖說英雄莫問出處，現年35歲的無綫小生黃宗澤最近被翻舊相，有facebook專頁日前貼出他於98年參加「YES！98校園花草選舉」的照片，當年只有17歲的Bosco已勁chok，事隔18年，Bosco更具男人魅，與胡杏兒甩拖後，身邊女伴換不停。
落敗發展好學生時代的Bosco輪廓分明，天生明星相，他火併其他11位參賽者，其中一位參賽者竟是男版「翠如BB」。早熟的Bosco大擺回眸chok爆甫士，發放強勁電流，令人不禁想起梁朝偉在《無間道》中經典回眸一幕，遺憾他當年未能摘冠。不過塞翁失馬，焉知非福，同年Bosco跟張栢芝合作陽光檸檬茶廣告，翌年加入無綫，獲網民大讚他當年今日都沒走樣。
Bosco前日直認是相中人，他在電話中說：「呢張陳年舊嘢都畀你搵到，之前啲同學貪玩，幫我掟上去。」不少網民大讚Bosco至今都保養得宜，保持靚仔樣，他講笑說：「吓！唔係嘛，成個磨轆咁喎！」雖然他在眾參賽者中算標青，但最後竟然落敗，至於當年冠軍屬誰，Bosco說：「唔記得啦，咁多年前。」
Bosco雖然口口聲聲自嘲17歲時磨轆樣，但相信仍緬懷當年的青春無敵，他昨日在微博轉貼這張陳年舊相，並留言：「看到這張照片，就想起劉德華大哥的一首名曲《17歲》！」
■陳展鵬當年的青澀樣也曝光。
獲邀出閃卡90年代《YES！》舉辦的校花校草盛產靚仔靚女，變相是明星搖籃，藝人樂於擁有自己的閃卡。澳門商人徐明華去年以7位數字買入《YES！》，繼續推出藝人閃卡，最近更印製好Super Girls的閃卡。徐明華昨表示有意替Bosco出新閃卡：「如果佢肯，我都想再同佢影，我哋係有個『校花校草同學會』，𠵱家構思幫大家出一輯新相，有埋新舊對照相仲好玩。」
此外，陳展鵬當年為《YES！》做model的青澀樣曝光，他昨短訊回覆：「證明冇整過容，食咗幾年死貓。」對被指造型MK，陳展鵬續說：「係木村拓哉風。」
採訪：鍾國仁、楊定
|
鍾意就快D Share啦！
|
|
|