網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年10月21日 星期五

千嬅閃爆 引「鷹眼」挨埋身 __,千嬅,楊千嬅,

「鷹眼」謝洛美維拿主動挨近千嬅,相信令不少影迷「葡萄」。
千嬅閃爆引「鷹眼」挨埋身中外巨星昨晚雲集「2016觀瀾湖世界明星賽」紅地氈儀式,包括荷里活影星「鷹眼」謝洛美維拿、奧斯卡影帝米高德格拉斯及NBA球星艾佛遜等重量級紅人,令海口星光閃爆!至於香港代表之一楊千嬅就如往年一樣做「集郵女王」,不但「老嫩通殺」向謝洛美和米高埋手,更自爆合照時謝洛美主動挨埋嚟,令人「葡萄」!「鷹眼」謝洛美維拿主動挨近千嬅,相信令不少影迷「葡萄」。【陳奕龍海口直擊】「2016觀 ...


千嬅閃爆 引「鷹眼」挨埋身

中外巨星昨晚雲集「2016觀瀾湖世界明星賽」紅地氈儀式,包括荷里活影星「鷹眼」謝洛美維拿、奧斯卡影帝米高德格拉斯及NBA球星艾佛遜等重量級紅人,令海口星光閃爆!至於香港代表之一楊千嬅就如往年一樣做「集郵女王」,不但「老嫩通殺」向謝洛美和米高埋手,更自爆合照時謝洛美主動挨埋嚟,令人「葡萄」!

【陳奕龍海口直擊】「2016觀瀾湖世界明星賽」昨日在觀瀾湖舉行,晚上紅地氈儀式中外名人雲集,星光熠熠!當中包括荷里活猛片《復仇者聯盟》(The Avengers)「鷹眼」謝洛美維拿(Jeremy Renner)、足球名宿史高斯(Paul Scholes)、職業高球手皮雅(Gary Player)、NBA球星艾佛遜(Allen Iverson)和前利物浦球星科拿(Robbie Fowler)等,奧斯卡金像影帝米高德格拉斯(Michael Douglas)就聯同內地導演馮小剛和華誼兄弟傳媒集團總裁王中磊齊齊踏上紅地氈。至於楊千嬅、佘詩曼、樂基兒、周柏豪及韓國女團少女時代前成員Jessica分別與巨星亮相,亞洲天王周杰倫與觀瀾湖集團主席兼行政總裁朱鼎健出場時更引來全場尖叫!

佘詩曼呻錯失良機

曾出席第三屆明星賽的楊千嬅,前年成功向「美國隊長」基斯伊雲斯(Chris Evans)集郵,令萬千粉絲羨慕,今年更「老嫩通殺」,先後與「鷹眼」謝洛美維拿和影帝米高德格拉斯合照,繼續大派「葡萄」!身穿閃爆Bling Bling藍色西裝,以中性打扮到場的她,與謝洛美一同出場,見兩人有傾有講,她更在訪問中自爆因調機票而巧合地與對方同機:「影合照嗰陣佢挨埋嚟,真係好Fit好大隻。(唔怕丁子高呷醋?)唔會,佢都唔知,如果佢喺度嘅話,我走咗啦,頭先都見到Michael Douglas,神級演員好Nice,梗係有合照,呢啲一定要做。」

馮小剛(左)
  • 馮小剛(左)
佘詩曼跟足球名宿史高斯有傾偈,但冇電話喺身,未能集郵!
  • 佘詩曼跟足球名宿史高斯有傾偈,但冇電話喺身,未能集郵!
樂基兒與前曼聯球星約基結伴出場,星光閃閃。
  • 樂基兒與前曼聯球星約基結伴出場,星光閃閃。

有人歡喜有人愁,身穿紅色透視晚裝的佘詩曼與史高斯同行紅地氈後,就大呻與集郵機會失諸交臂:「我有睇過佢踢波,頭先都傾咗一陣偈,好可惜電話冇跟身,如果唔係一定會同佢自拍。(你會參加明星賽?)可能會落場啦,原定聽日走,但因為打風返唔到香港,到時睇吓會唔會玩吓,我學過吓Golf,但冇時間去深入揣摩。」

樂基兒大騷玉背搶鏡。
  • 樂基兒大騷玉背搶鏡。
前利物浦球星科拿(左)、觀瀾湖集團主席朱鼎健
  • 前利物浦球星科拿(左)、觀瀾湖集團主席朱鼎健
觀瀾湖集團副主席朱鼎耀與太太恩愛行紅地氈。
  • 觀瀾湖集團副主席朱鼎耀與太太恩愛行紅地氈。

樂基兒甜笑講男友

以露背晚裝上陣的樂基兒與前曼聯球星約基(Dwight Yorke)一同出場,她表示雖然未會落場參賽,但十分支持這個活動。問男友Ian有否與她一同來到海南,她即謂:「冇。(有指你同男友同居試婚?)唔知呢,我好少睇呢啲嘢。(係咪要恭喜你?) 唔係。(一齊住埋?)有陣時啦,好啦,唔講啦,拜拜。」雖然她不欲多提戀事,但全程甜笑Sweet爆。

文:影視組


鍾意就快D Share啦!