掃呢頁CODE去手機

2019年5月25日 星期六

高海寧:咪神變女一!高海寧遭導演嫌棄迷惘中開竅 __,高海寧,

高Ling為咗做女一,犧牲真大!入行11年的高海寧(高Ling),前年接拍無綫劇集《婚姻合伙人》時首次獲安排做女主角,拍攝時固然緊張,就算現時播出,她 ...


高Ling為咗做女一,犧牲真大!


入行11年的高海寧(高Ling),前年接拍無綫劇集《婚姻合伙人》時首次獲安排做女主角,拍攝時固然緊張,就算現時播出,她依然相當上心,更於每集完結後上網「獻真身」,與網民討論劇情與演技,令網民大為驚喜。其實,高Ling今次於《婚》劇的演出亦相當有驚喜,皆因她其實早已收起性感,就連無綫大型活動亦刻意轉玩密實,期望觀眾改為留意其演技與實力,但今次為「女一」再次「犧牲」,劇中有多場因劇情需要而接受裸背或穿泳衣的鏡頭。

獲網民好評

雖然身材依然受注目,但高Ling的演出亦受不少網民好評,她受訪時亦說:「演出初期都感到迷茫,『女一』認真唔易做,好想做好但唔知點怎做好!原來做女主角好忙,唔夠時間用,一早拍外景、緊接夜晚開廠拍到凌晨,返屋企瞓兩個鐘又開工,有時連食飯時間都冇,更加冇時間畀自己思考點做。」令她明白位位女主角為何會變得纖瘦,因沒有時間休息,當時即使晚晚食消夜,她拍攝期間仍足足瘦了十多磅。

搞到食唔落飯

慶幸高Ling很快放開自己,走出短暫的迷茫期,她說:「做『女一』有壓力,成日諗點樣做得好,諗太多反而好冇安全感,亦都冇信心,連導演都同我哋講覺得我同楊明唔夠默契!我哋當時又唔係咁熟,但係諗唔可以再係咁迷茫落去,叫自己放開啲,直情當楊明係戲裏面嘅角色。」明白放手去演後,她坦言突然有開竅感覺,能夠全程投入角色:「入咗戲之後,自己除咗瞓覺嗰陣係高Ling外,其他時間好似變咗『貝競枝』!第一次有咁入戲感覺,未入戲之前要都要諗點去記對白、點畀反應,但入咗戲所有嘢都好似『上身』咁,對白又容易記,同楊明更加會有啲互動『爆肚』。」

一咀就面紅紅

劇中除了與楊明有感情線外,高Ling還跟黃德斌有段曖昩之情,更有不少咀戲,她說:「之前拍《不懂撒嬌的女人》嗰陣都有同林文龍拍咀戲,因為我一咀就面紅,所以拍咗十次先得,但今次咀戲仲多,初頭都好尷尬,都係一錫就面紅,慢慢先有改進。」如今順利踏出第一步,相信高Ling的演技定能更上一層樓!




來源 source: http://hk.on.cc
鍾意就快D Share啦!