「自殺」方式果然層出不窮，呢班人夫係咪嫌命長？
藝人張繼聰與老婆謝安琪結婚13年，就算育有一對仔女，兩公婆恩愛依然，係圈中模範夫妻。向來幽默風趣嘅張繼聰不時出招冧老婆，不過最近唔小心「行差踏錯」，憑1張網上圖片火速激嬲老婆，圖中寫道：「用一句話表達出和平、寧靜、快樂的意境。得獎的是：『我太太睡着了！』」
佢留言：「成功刷新咗辣慶（㷫）老婆記錄。」而謝安琪亦配合老公搞笑留言：「咁唔知大家又估唔估到，呢個比賽嘅得獎者，佢得到嘅獎品係乜嘢啊？」網民留言話「花式自殺系列」、「沒有機會攞獎品了」，認真搞笑。
除咗老婆，「前世情人」囡囡張靖就係張繼聰最大死穴！佢晒出囡囡「有冇掛住我？」、「陣間發夢見」等萌爆錄音，冧到咁難怪在外專心工作嘅佢留言話：「原本心如止水，依家好想返屋企。」謝安琪留言「厲害厲害」，指自己冇咁嘅本事，似乎呷老公醋喎！
圈中亦有其他男星曾「自殺式」挑戰老婆，好似結婚7年嘅鄭伊健與蒙嘉慧，都係打機發燒友，有日鄭太突然網上鬧爆老公以為手掣失靈，誤將其遊戲中心愛嘅武器賣出，嬲到要「打佢一身」發洩！
張晉向來視蔡少芬如女王般看待，不過都試過唔小心踩親老婆條尾！佢自爆曾講錯「老夫老妻」激嬲老婆，本身唔明白，後來先知因為蔡少芬覺得呢4個字等同奉旨咩都唔使做，夫妻之間唔會再有浪漫同關心，甚至行街唔會再拖手。
譚俊彥於無綫劇《特技人》與女拍檔朱晨麗有激咀戲份，佢自爆因呢場戲返屋企要「跪玻璃」！皆因佢同老婆講同對手只有少許身體接觸，點知老婆睇完覺得「貨不對辦」原來咁激烈，最後搞到嬲嬲豬！
如有Follow開陸永同老婆Reina嘅社交網，都知道陸太負責充當柴可夫呢個角色，有年生日，陸永應承老婆會去學車同學影相，點知佢開「空頭支票」搞到陸太嬲到網上鬧爆：「嘥錢學車做乜都唔係為咗pass，係為咗畀張收據我睇。以後大時大節咪再送禮物。」
來源 source: http://hk.on.cc
|
鍾意就快D Share啦！
|
|
|