2020年12月17日星期四

最想拎電視拍檔獎張振朗唔敢諗視帝：再浮沉下先啦 #張振朗

最想拎電視拍檔獎張振朗唔敢諗視帝：再浮沉下先啦

張振朗不停提「電視拍檔」，不但不敢想視帝，連電視角色都沒信心。

張振朗近日忙於拍攝新劇《拳王》的重要戲份，他說：「係擂台戲，12日廠景我要打足9日。（有無驚險事？）噚日同個拳手，佢一錘打落我個肚度我諗住頂到，點知真係頂唔住，但係佢已經留咗力，我覺得幾好笑。」

對於日前公布台慶頒獎禮入圍名單，雖然他因拍劇未能出席，不過台上有不少藝人提及他的名字。他笑笑說：「蔡思貝、賴慰玲、朱敏瀚都有提，估唔到連祥哥（黎耀祥）都有，多謝佢哋。」就入圍「視帝」及「男角色」，他笑說：「再浮沉下先所以我不停提『電視拍檔』！」他分別憑《反黑路人甲》與王浩信、朱敏瀚，及《使徒行者3》與蔡思貝獲提名最受歡迎電視拍檔獎。