藝人朱晨麗早前為補祝「29+1」，孖好友蔚雨芯到峇里度假，短短三日兩夜盡訴心中情。自2011年參選港姐後，朱朱已久未着泳衣示人，今次難得大解放騷身材。朱朱對首次「蜜」遊卻嫌未夠喉，更已約定明年再出遊。
朱朱去年劇接劇忙足成年，連30歲生日也未能慶祝，早前趁有三日空檔，即興撩好友蔚雨芯出埠，沒料對方爽快答應，立刻動身上網訂機票、酒店，她說：「冇諗住要做啲咩，只係想送個『29+1』禮物畀自己，揀峇里因為夠Relax，但搵機票、酒店過程好刺激，酒店仲要係臨飛前一日先Confirm到，好在又有人陪我癲！」
降溫要緊唔怕肥
面對當地酷熱天氣，朱朱已顧不及體形問題，眼見有雪糕店，即二話不說買來降溫，她說：「諗都冇諗，降溫要緊，食一個雪糕應該唔會肥得去邊嘅。」
燭光晚餐傾唔停
與蔚雨芯不經不覺相識7年，朱朱大嘆時間飛逝：「平時唔係成日見，多數都係短訊聯絡，今次趁機會食個燭光晚餐，慶祝咁多年嘅友誼，我哋連續兩晚都傾到唔願瞓。」
海天一色煩惱盡消
今次罕有地晒水着的朱朱，笑指要趁機着番夠本：「平時有跳舞Keep弗，但喺香港真係唔敢着泳衣，既然去到咁遠就解放吓！7年冇着，起初都有少少怕醜，要Warm Up一輪先敢示人。呢間酒店最出名係海天一色，我本身唔識游水，但睇住咁靚景色浸都幾舒服，咩煩惱都冇晒。」
「狗仔岩」睇日落
於酒店觀賞日落，但美景卻被岩石阻擋，朱朱解釋：「呢個岩石係間酒店地標，外形好似狗仔咁，好可愛，一邊望住太陽落山，一邊望吓隻可愛狗仔石，都幾浪漫。」
擺Pose喪影鬥性感
平日多獨遊的朱朱今次難得有伴，當然不放過機會互影，朱朱說：「好彩同女仔去，着到幾性感都唔會尷尬，同埋我哋會同一個景影好多張，揀最靚嗰張Keep，有時擺甫士擺到僵，好變態。」
眼闊肚窄全打包
難得「出走」，兩女連放飯時間也豁出去，朱朱說：「咩都想食，但知唔可以食得多，所以全部都嗌啲淺嘗，不過我哋都有打包返酒店。」
雪糕漢堡夠新奇
美食當前難以抵擋，尤其新奇食物，朱朱說：「今次喺餐廳叫咗客雪糕漢堡包，但天氣咁熱，啲雪糕一啲都冇溶，幾得意。」
----------------------------
東網巨星開咗ig喇，大家快啲follow
https://bit.ly/2JjSVcr
|
鍾意就快D Share啦！
|
|
|