網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年6月18日 星期一

張敬軒:關智斌撐軒仔開騷 粉絲:咀佢!咀佢! __,張敬軒,軒仔,關智斌,

正呀!歌手張敬軒(軒仔)的《HINSIDEOUT張敬軒演唱會》第四場,請來組合Boy'z做嘉賓,Boy'z一甫出場即與軒仔合唱《死性不改》,全場歡呼不 ...


正呀!


歌手張敬軒(軒仔)的《HINSIDEOUT張敬軒演唱會》第四場,請來組合Boy'z做嘉賓,Boy'z一甫出場即與軒仔合唱《死性不改》,全場歡呼不斷!歌曲中段有讀白,三人又改了台詞,先是張致恒問關智斌:「點解你會來做嘉賓嘅?」關智斌大聲答:「我鍾意呀,你吹呀?」再次引爆觀眾!

為打交事件解畫

歌唱畢,無論關智斌或張敬軒講甚麼,觀眾都一直狂叫,連軒仔都忍唔住反問觀眾,「我都唔知你哋叫乜 !」觀眾叫咗近兩分鐘肯靜下來,軒仔對張致恒笑說:「嘩!你講嘢,佢哋都叫到咁!」軒仔轉身一指關智斌,再說:「咁佢講嘢.........」又再引來觀眾狂叫!張致恒這時插口:「我完成任務啦,我落台先!」關智斌說:「你講嘢呀你!」而軒仔實在敵不過觀眾的叫聲,笑住說:「知唔知咩叫無敵嘅嘉賓呀,佢哋係我入行最初相識嘅好朋友,依家仲係好朋友,所以我決定第一次六場紅館個唱,一定要請埋佢哋嚟來分享!」軒仔又話:「 既然咁耐冇見,有啲私人恩怨想喺度解決吓,我聽講網上有人寫咗個故仔,話你哋兩個為咗我,喺salon打交,究竟係咪?」關智斌即答:「你諗多咗我哋兩個成日打交㗎!每次打完交,Mani(霍汶希)就會打嚟話,打還打唔好打面嘛!話晒靠個樣搵食。」

張致恒坐埋一邊唔出聲,軒仔問佢做咩,張致恒就即入位:「我見你哋咁耐冇見,畀你講埋先囉!」軒仔反擊話:「你又知我哋好耐冇見?」又引爆觀眾狂叫,更有觀眾不斷大叫:「咀佢!咀佢!」期間,關智斌有搭住軒仔膊頭,仲話:「我驚咩呀!我咁都唔驚!」

關智斌頂唔順張致恒

軒仔調番去正經Mode,感激本來在橫店拍戲的張致恒趕返香港做嘉賓 。不過講完正經又開始玩嘢,張致恒反問軒仔:「我想問你,你做咩多謝我唔多謝佢?」軒仔話:「我點會唔多謝佢,我重要恭喜佢,佢做咗業主嘛!」張致恒唔放過關智斌:「你都仲未講,你點解會嚟做嘉賓?」 關智斌就話:「我嚟報仇呀?」張致恒再度發動攻勢:「報咩仇?隔夜嗰啲呀?定係尋晚嗰啲仇呀?」關智斌招架唔住,扮想打張致恒話:「喂,我哋綵排嗰時啲稿唔係咁喎!」


來源 source: http://hk.on.cc
鍾意就快D Share啦!