網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年6月18日 星期一

【獨家內幕】無綫走寶 now TV同ViuTV以1億5千萬奪世盃播映權 __,無綫,now,ViuTV,Viu,

李澤楷嘅電訊盈科以超荀價購入世盃播映權,無綫冇得播。(資料圖片)
【新增回應】四年一度世界盃掀起全城睇波熱潮,今屆俄羅斯世界盃決賽周由電訊盈科旗下nowTV同免費電視ViuTV取得香港獨家播映權,究竟,「小小超」李澤 ...


【新增回應】

四年一度世界盃掀起全城睇波熱潮,今屆俄羅斯世界盃決賽周由電訊盈科旗下now TV同免費電視ViuTV取得香港獨家播映權,究竟,「小小超」李澤楷嘅電訊盈科係用幾錢買到呢個全球矚目嘅盛事呢?據《蘋果》收到嘅可靠消息,係超荀價1億5300萬,而無綫就因為「唔敢搏」而走寶。

上屆巴西世界盃,無綫以逾3億港幣買世界盃決賽周獨家播映,之後盛傳樂視出價逾4億搶到俄羅斯世界盃決賽周播映權,去年底樂視因為財困,於是將世盃播映權賣比nowTV同ViuTV。

據《蘋果》了解,樂視2年多前係以7000萬美金,即約港幣5億5千萬港元,喺國際足協(FIFA)嘅中介公司買入俄羅斯世界盃香港獨家播映權,分4期比錢,每期1750萬美金(約1億3733萬港元),樂視比咗3期之後財困冇錢比第4期,由於合約規定第4期錢要喺去年12月1日之前交,否則樂視之前俾嗰3期錢全部作癈total loss,FIFA會將個播映權再攞番出嚟拍賣。喺咁情況下,樂視就搵無綫及電訊盈科等幾方面斟,內容係由佢哋支付第4期尾數,即1750萬美金,另外再加番200萬美金嘅簽約費比樂視。

不過,據知無綫搵律師研究過之後擔心合約細節上會有問題,所以唔敢搏,但電訊盈科就敢搏,結果就俾1750萬美金加200萬美金,即約1億5300萬嘅超荀價,攞到俄羅斯世界盃香港獨家播映權。而日前俄羅斯對沙地阿拉伯嘅世界盃揭幕戰,Viu TV就以平均10點收視(約66萬觀眾)撼贏無綫《晚間新聞》同陶大宇和郭可盈主演的重播劇《刑事偵緝檔案III》。

對於以超荀價1億5300萬買到今屆世界盃香港獨家播映權,電訊盈科公關回覆《蘋果》話:「No comment。」



一網睇盡

足動世盃 直擊俄國最前線

https://hk.feature.appledaily.com/worldcup2018/

李澤楷嘅電訊盈科以超荀價購入世盃播映權,無綫冇得播。(資料圖片) 林保怡、林敏驄、Coffee等,當日都有出Viu TV世界盃活動。(資料圖片) 林保怡、林敏驄、Coffee等,當日都有出Viu TV世界盃活動。(資料圖片)
nowTV與Viu TV今年3月舉行世界盃大型記者會。(資料圖片)

nowTV與Viu TV今年3月舉行世界盃大型記者會。(資料圖片)
俄羅斯世界盃揭幕禮全球矚目。(資料圖片)

俄羅斯世界盃揭幕禮全球矚目。(資料圖片)
俄羅斯對沙地阿拉伯嘅揭幕戰,Viu TV以10點收視贏無綫。(資料圖片)

俄羅斯對沙地阿拉伯嘅揭幕戰,Viu TV以10點收視贏無綫。(資料圖片)
俄羅斯大勝沙地阿拉伯 5:0 。(資料圖片)

俄羅斯大勝沙地阿拉伯 5:0 。(資料圖片)

鍾意就快D Share啦!