賤男黎振燁背大肚老婆偷食朱智賢，事後雖然冧掂老婆盲撐他，但「綠帽俠」謝東閔終於做回男人要做的事，企出來踢爆黎振燁講大話，其實娛圈都有唔少大話精，難怪有藝人被譏為「偽人」了。
胡定欣
2008年，莊思敏和吳浩康拍拖時，跟男友的舊愛胡定欣爆罵戰，有指胡定欣曾在電梯內指罵莊思敏，事後莊思敏承認有此事，不過胡定欣卻矢口否認，更指對方博見報，雙方各執一詞。事後莊思敏在網誌揞名爆向胡定欣開火：「估唔到對方竟然睜大眼講大話……演員果然唔同啲！我一開始唔公開所有嘢，只求今日留一線日後好相見，希望佢快啲玩厭！」
郭子豪
2019年，大台藝員郭子豪被爆劈腿，背圈外女友Karen偷食港姐鄧卓殷，郭子豪死撐跟女友早已分手，由正印變舊愛的Karen在社交網撕開郭子豪假面具：「剛剛這個月初還說給我一個終生承諾；原來所有諾言在真相被揭發之前，都只不過是場欺哄。是時候清醒……逃離謊言和被蒙騙嘅世界，至少最後可以忠於自己。」
鄭俊弘 何雁詩
2017年，鄭俊弘（Fred）被富貴未婚妻的閨蜜爆料，指他暗交何雁詩，但兩人仍堅稱只是普通好朋友，死口不認拍拖，其後卻十指緊扣現身機場，高調公開戀情。
李潤庭
2016年，《東張西望》主持李潤庭被爆背空姐老婆偷食人妻Tiffany，停工3個月後解凍復工，聲稱努力同老婆箍煲，但轉頭再被踢爆講大話，原來跟Tiffany從未斬纜，結果事業和婚姻一鋪清袋，被大台炒魷。
-----------------------------
App內1-Click訂閱《蘋果動新聞》
來源 source: http://hk.appledaily.com
|
鍾意就快D Share啦！
|
|
|
