2020年7月16日星期四

【識嘆】對住維港光脫脫浸浴包住浴巾34E陳偉琪引死人 #陳偉琪

【識嘆】對住維港光脫脫浸浴包住浴巾34E陳偉琪引死人

陳偉琪入住豪華酒店嘆返吓，仲對住無敵大海景浸浴。

新冠肺炎疫情反覆，個個都注意防疫減少外出，變咗冇乜娛樂，相當苦悶，相當識嘆嘅「細龍太」陳偉琪(Vicky)趁住唔使開工，又不能外遊，就租咗中環東方文華五星級豪華酒店套房嘆返吓，享受城市中心嘅浪漫。繼日前上載美食相，留言：「我在這裏感受到香港最美的風景。」昨天她再喺IG及限時動態分别Post出浴相，寫道：「在整個城市面前光脫脫浸浴，有種無與倫比的感覺。」

相中見她頭包浴毛，坐喺浴缸入面，赤裸背住鏡頭，面對落地玻璃，望住無敵維港靚景及摩天輪，Vicky還舉起手中的香檳，真係超爽，而她浸完浴後，還可趕及六點前落餐廳晚飯。至於喺限時動態放嘅係浸浴正面相，但浴巾巧妙地遮住重要位置，只見香肩。唔少網民讚她好識嘆，有指羨慕幫她影相嘅人，甚至有人讚她腳趾正！