熱戀中的情侶總是甜如蜜，46歲馬國明和33歲湯洛雯自從公開戀情後，不時高調晒愛，除了早前在網上貼出愛的獨角獸和小馬後，湯洛雯昨晚和今早又在IG連環放閃，她先後貼出3張穿上唐老鴨卡通公仔的黑tee，坐在海邊的照片，相中的湯洛雯笑容燦爛兼擠眉弄眼，未知照片可是「男友視角」？
湯洛雯穿上唐老鴨卡通公仔黑tee，網民即眼利說：「馬明最鍾意的唐老鴨，另一種的放閃方法。」湯洛雯第一張相先留言：「Good weather keeps me positive（好天氣給我正能量）。」男友馬國明兩小時後即回心心眼貼圖。湯洛雯第二張笑到見牙唔見眼的相再留言：「Whats so funny? 」馬國明秒回：「鴨。」再貼心心眼。
湯洛雯意猶未盡，今早再出第三張電眼甫士相片後說：「When I look into your eyes...」馬國明用眼睛和代表女友的獨角獸公仔貼圖回應，公開放閃冧爆女友，湯洛雯的眼珠反映出為她拍照人的影子，未知是否馬國明。網民紛紛送祝福「見到你哋互動咁sweet，有種老來安慰感覺」、「肯定係專登話畀某人聽㗎喇（男友視角閃閃閃）」，不少網民還公然稱呼他們做馬生馬太，馬國明和湯洛雯都非常受落，看來快好事近。
馬國明十年前為J2台節目《兄弟幫》，他自稱屋企有過萬件唐老鴨珍藏，7年前，他更說：「幾歲大就俾阿媽『導』咗我鍾意唐老鴨，當時佢去日本旅行，買咗隻唐老鴨毛公仔畀我，自此就中咗毒，不能自拔...以前細個會攬實個公仔同佢傾偈，到而家，全家人都仲係咁鍾意唐老鴨，唔係講笑，每年唐老鴨生日，我哋全家都會同佢慶祝，阿媽會買定生日蛋糕攬住隻公仔，同佢一齊切。佢真係當佢孫咁㗎，會買啲BB仔衫畀佢換，又會織冷衫畀佢着。」馬國明是唐老鴨控。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
