2020年7月16日星期四

晒機機「美人魚」相 Bob預言細女大咗變IG女神 #Bob #IG女神 #女神 #林盛斌 #美人魚

晒機機「美人魚」相 Bob預言細女大咗變IG女神

Bob個細女機機愈大愈靚女，有小周迅稱號。

林盛斌（Bob）育有3女1子，5歲多細女林機兒（機機）被指與內地女星周迅撞樣，陳敏之及吳若希亦爭做Bob親家，年紀輕輕嘅機機經已好受歡迎。

昨晚Bob（林盛斌）喺IG放咗「𡃁模」機機水著照片，留言：「三家姐大個都幾肯定係嗰d乜叉叉IG女神！」相中望住鏡頭嘅機機，好似條美人魚咁趴喺水中，眼仔大大，輪廓分明，樣子相當標緻。連詩雅讚機機靚女；張寶兒形容她係美人魚；楊潮凱話機機靚到冇朋友，Bob即回應：「佢有好多朋友㗎！」亦有網民叫她夠18歲參加港姐！至於Bob細佬Jaye都被讚係萌爆小童，有咁優質子女，阿Bob應該開心到爆。