【首先你間屋要夠大】屋企紥營加遠足賞昆蟲 陳茵媺為○氹仔女諗爆頭
因為新冠肺炎疫情反彈，陳豪一家原計劃去酒店度假，而家當然冇得去。為怕仔女失望，有計阿媽陳茵媺即刻動動腦筋，三爬兩撥就安撫到仔女。
陳太諗到由上周日開始喺屋企個廳紥營，為配合氣氛，當然唔可以食屋企飯，陳太特別設計「露營食物」加戶外遠足。陳太表示：「謝天謝天，佢哋玩得好開心，暗地裡我都一樣！」
今日下畫，陳太又喺IG分享同囝囝行山嘅相，佢話一家漫步大自然，呼吸新鮮空氣同埋探索唔同品種嘅昆蟲及植物。途中佢哋遇到兩隻巨型蜘蛛，又發現兩個唔同品種嘅草蜢，陳太戴晒頭盔，強調觀察完昆蟲必定會將佢哋放回大自然。佢又透露大仔Aiden 曾經詐型，「喺客廳露營唔包昆蟲」，佢笑個仔錯嘞！
陳太真係好有心思，見到都好想一齊玩，咁當然，首先你間屋要夠大啦。
來源 source: http://hd.stheadline.com
|
鍾意就快D Share啦！
|
|
|
