近日網上瘋傳一段外傭姐姐力數僱主刻薄的片段，抱怨：「你而家試吓請工人，請得到咩？」、「你畀錢幾多啫，4千幾呀嘛！4千有幾多？仲綁你24小時，你話呀！放假又冇得放，仲講？」、「冇話有錢大晒！你講乜就講乜，做乜就做乜！」、「你唔使請人，自己做哂，好簡單。」
而藝人林盛斌亦不輸蝕，在社交平台上載工作姐姐模仿短片中該女傭力數主人的片段，在鏡頭前投訴Bob，表示：「你係老細乜都啱哂。工人係人，唔係機械人呀！你而家請工人請到咩？」突然，Bob在鏡頭前現身路過，並問工人姐姐發生咩事，工人姐姐嚇得立即關機。
網民指Bob抽水力強，又指他的工人姐姐戲感十足，可以加入無綫拍攝處境喜劇《愛·回家之開心速遞》，飾演外傭姜麗文的同鄉。網民更笑指Bob與其工人姐姐餅印一樣，令Bob亦不禁留言：「佢係我阿妹嚟㗎，似唔似樣呀？」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
