掃呢頁CODE去手機

2018年3月30日 星期五

娛樂專題:愛情交白卷!30歲糖妹唔心急 __,糖妹,

糖妹雖然單身咗咁耐,但佢一啲都唔急住拍拖。外形嬌小可愛的藝人黃山怡(糖妹)是普遍男生喜愛的類型,但她自2013年與前度何浩文甩拖至今仍然單身,坦言上一 ...


糖妹雖然單身咗咁耐,但佢一啲都唔急住拍拖。


外形嬌小可愛的藝人黃山怡(糖妹)是普遍男生喜愛的類型,但她自2013年與前度何浩文甩拖至今仍然單身,坦言上一段戀情嚇到她不敢再與圈中人拍拖,覺得凡事要向外界交代很煩。現年30歲的糖妹坦言這段時間有結識過男生,但因工作忙沒時間加深了解,但她不急於拍拖,希望35歲前繼續努力搏殺!

多線發展 唱歌難搵錢

糖妹於2008年與潘雲峰(糖兄)以組合「糖兄妹」姿態加入樂壇,2014年糖妹開始作個人發展,亦一如以往繼續唱歌、拍戲、主持人多線發展,但對於電視觀眾而言,可能不太知道糖妹會唱歌,直至去年在節目《流行經典50年》唱出《如何掉眼淚》才恍然大悟,原來糖妹不但是歌手,還是唱得之人,她自言十分豁達,不會對大家抱這個想法感到灰心:「我覺得好得意,合作演戲嘅人會覺得『你唱歌(口架)喎,幾時出歌?』但同我做音樂嘅人就會話『你幾時演戲?』到頭來我就知大家接收嘢嘅渠道唔同,有啲前輩會多睇電視,見到你唔喺電視出現會擔心你,但年輕一輩就會留意你嘅音樂多啲。其實我知道咗呢個事實好耐,所以唔會話心情低落,覺得點解我好似爭啲乜,只係覺得時機未到。」

廣告歌成代表作

講到很多歌手都有代表作,外界一提起就會想起某首歌,但糖妹似乎未有,她笑言:「你知唔知我依家最Hit嗰首係咩?係『馬百良』嗰首(廣告歌),個個見到我都會唱o架,你估易呀?」隨即又說:「我覺得啲人唔係完全唔知我唱歌,亦唔係冇記得嘅歌,只係我個人嚟講未有代表作,但糖兄妹有嘅,例如《別煩着我》同《我最愛糖》。」糖妹坦言一直很期待與糖兄回歸樂壇。未來工作方向她依然會多線發展,明白音樂不是用來搵錢,如果想維持唱歌的興趣,就要多做其他工作。音樂方面,她透露很快會推出與周國賢合作的歌曲,亦希望今年可推出首張個人大碟。

犧牲色相 素顏變醜女

拍戲方面,糖妹表示之前在內地拍了網絡大電影,第二次飾演女一的她透露今次是首次扮醜女,笑言:「終於圓咗心願,角色係好玩,完全近乎素顏,化黑咗自己塊面,又將自己用咗好耐嘅牙套都拎埋出嚟扮箍牙妹,要人哋完全唔認得我嘅樣。」她亦謂要身穿秋裝在零下4度的橫店拍攝,大呻雙腳凍到沒感覺兼泛紫。

此外,糖妹透露將參與幾米的音樂劇,年中會到台灣特訓:「呢個係巡演,每個地方揀唔同主角做,所以要做肢體訓練。」曾參與過不少主持人工作的她,有份主持的飲食節目《輝哥為食遊》正在播放,到了中山、潮汕及順德拍攝,食盡美食,不吃榴槤的糖妹亦大讚榴槤雞令她改觀,亦見識了「蓮花雞」等手工繁複的菜式。

交代太多 拒再戀幕前

工作方面排山倒海,但自2013年與何浩文甩拖後,糖妹在愛情方面就一直交白卷,她坦言不心急:「呢啲時機未到,我唔會覺得好急需,當你知道有好多嘢進行緊而你又目標清晰時,就巴不得將所有時間去完成呢啲目標,雖然有拖拍係好,有人去錫吓你,有個膊頭你挨吓,但某程度上都驚煩,可能圈外人又唔明你生活,好難搵一個人係完全明白你。(覺得圈中人明白多啲?)嗯……所以我有諗過好唔好搵個幕後,哈哈,最好就創作嘅!(幕前唔得?)幕前好多嘢要交代,我覺得愛情唔需要交代。」

問到是否因上一段戀情而怕了與圈中人拍拖?糖妹笑說:「所以咪學咗一樣嘢囉,避免囉,幾攰、幾煩心呀!我只係想簡簡單單拍吓拖!」重提舊情,她坦言:「其實嗰時唔知發生緊咩事,依家諗番自己每個Step都可能有做錯,可能唔夠包容,又有幼稚嘅成分,隔咗咁耐,到依家生活圈子擴大咗,好多人會影響你睇法。」

難頂親戚催婚

她謂人成長了,故要求下個對象的條件亦跟以前不同:「依家想搵一個孝順父母嘅人,會各自尊重自己有嘅空間,同埋會各自努力成為更好嘅自己,唔係個個男仔會有呢個想法,所以係好難。」講到Dry了好幾年,她坦言中間曾試過結識男生,但因工作太忙碌,沒時間加深了解,現年30歲的她雖然大呻不停被親戚催婚,但35歲前仍想繼續努力工作,到35歲後才緊張!

服裝:Amelie Street


來源 source: http://hk.on.cc
鍾意就快D Share啦!