掃呢頁CODE去手機

2018年3月30日 星期五

【獨家●孕look首曝光】Kary 佗七個月巨肚上機 手腳keep住纖幼 __,Kary,吳雨霏,

今年二月,Kary吳雨霏宣布造人成功。前年經歷過小產傷痛,Kary今胎特別小心,佗B後一直匿埋未有見人,琴日Kary孖住老公飛台北,巨肚第一次曝光!1 ...




今年二月,Kary 吳雨霏宣布造人成功。前年經歷過小產傷痛,Kary 今胎特別小心,佗B後一直匿埋未有見人 ,琴日Kary 孖住老公飛台北,巨肚第一次曝光!

15 年嫁比初戀男友洪立熙,講明婚後全力造B,16 年Kary第一次成功懷孕,可惜不幸流產。 今年二月Kary 同老公再度報喜,當時已經佗B五個月,Kary 仲話BB係上天最美好嘅嘗賜。 經歷過小產傷痛,Kary 今胎佗得特別小心,全面停工之餘,大部分時間都留喺屋企安胎,而且一直唔肯透露BB性別。

不過大肚婆都要抖抖氣嘅,琴日一早,《壹仔》就見到kary 同老公齊齊去機場,凖備出發去台北。 一朝早大肚婆著住件貼身小背心,雖然有件薄薄嘅外套遮一遮,不過依然見到個籮咁大嘅肚。佗住七個月B,Kary 不知行得幾咁輕盈,而且仲keep 得好弗,手手腳腳都仲係咁瘦,一啲都冇水腫。 大肚婆有優侍,唔洗排隊入閘,可以行禮賓通道。兩公婆一人拉住個hand carry 入閘,過安檢嗰陣,Brain 出手幫老婆搬行李,照顧週到架!




鍾意就快D Share啦!