掃呢頁CODE去手機

2018年3月30日 星期五

【狗仔出更】面臨婚變決不言棄 樂易玲陪兒子行藝術展減壓 __,樂易玲,

身兼無綫助理總經理(藝員管理及發展)同邵氏電影執行董事及總經理嘅樂易玲,本來佢同則師老公陳君毅結婚廿幾年兼生咗兩個仔,一直係人前恩愛嘅幸福家庭,不過日 ...


身兼無綫助理總經理(藝員管理及發展)同邵氏電影執行董事及總經理嘅樂易玲,本來佢同則師老公陳君毅結婚廿幾年兼生咗兩個仔,一直係人前恩愛嘅幸福家庭,不過日前有報道話佢哋嘅婚姻出現問題,因為陳君毅識咗一個妙齡女仔,令兩公婆感情急轉直下,之後仲傳出陳君毅搬離屋企,要同樂易玲離婚!

其後樂易玲接受傳媒訪問,佢否認離婚兼話:「一個項目、一個演員,我都不會輕易放棄……更何況是自己的家庭……人生總會有起伏,婚姻也一樣,不會無風無浪的;有問題時便面對它吧!謝謝關心。」(新聞連結:https://bit.ly/2pQDUnB)

正如樂易玲話唔會輕易放棄,有問題就積極面對,所以就算工作幾忙都好,樂易玲依然抽時間陪屋企人,日前下晝三點幾左右,《蘋果》喺金鐘見到樂易玲,嗰陣佢好悠閒邊行邊飲咖啡,睇真啲原來同行嘅仲有兩個仔仔,一個阿仔嘅女友人同埋外傭姐姐同行。

嗰日喺金鐘舉行緊一個畫展,樂易玲就同佢哋一齊去參觀,沿途見到佢哋好好傾,睇嚟佢哋嘅親子關係真係好好。

精選娛聞,喺晒《娛果》

http://fb.com/appledailyent

攝影:黃曉程、朱志聰
樂易玲放低工作,專心陪仔。
好悠閒喎!



鍾意就快D Share啦!