武漢肺炎疫情影響下，令全港各種經濟活動陷於停頓，趁着五一假期，多個民間團體發起「黃金周支援黃店計劃」，呼籲港人齊齊大力「懲罰」黃店，以助他們渡過今次難關。
其中位於牛頭角的黃店「膳心小館」日前進行義賣，據負責人表示，義賣貨品是手足家人製作的蛋捲、馬仔、杏仁餅、豬肉乾和花茶等小食，日前邀請到盧巧音（Candy）和丈夫，Kolor樂隊主音蘇浩才（Sammy）和立法會議員譚文豪現身擔任客席店長，跟市民會面幫手義賣，吸引不少市民大排長龍準備「懲罰」。
除義賣外，Candy和Sammy亦幫手向老人家派發防疫包，內裏有口罩、消毒洗手液、毛巾及即食麵，兩人受訪時表示今日會先派發250份防疫包，然後再幫手義賣，Candy說：「今日呢度有位義工係我朋友，之前有好多義工活動我哋都有幫手，而且反正成日喺屋企冇嘢做，不如有錢出錢有力出力，睇下邊度有需要盡量幫手好過。」
講到要幫手義賣，Candy笑言：「我有問一陣要做啲咩？佢哋話你淨係企喺出面嗌Come On Baby拉客得㗎喇。」可有呼籲朋友和歌迷到來支持一齊「懲罰」？Sammy說：「梗係應該啦，佢哋成日都嚟㗎啦。」
另外，譚文豪亦表示近日都經常走訪不同黃店幫手，他說：「今日老闆娘邀請我嚟做一陣店長，好開心見到咁多市民響應，我兩個鐘頭都冇停過手。」譚文豪又稱，樂見長假期開始後，各黃店及網上的反應十分熱烈，他說：「希望大家都行出嚟撐黃店，支持黃色經濟圈，從此可以為5.1定一個新意義。」
採訪：曹家誠
攝影：林賓尼
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|