又真係估你唔到喎！
台灣舞王羅志祥（小豬）「520」於社交網上載七千字長文，疑箍煲洗底博翻身，再次向舊愛周揚青道歉，本身已經被網友質疑別有用心，同時都有唔少人以為佢想對呢段感情做一個圓滿結束時，點知就有手痕網友竟然發現，呢篇逾七千萬閱讀量嘅文章，居然係開咗打賞功能，即係睇文之餘仲可以課真金撐小豬，而且打賞嘅人仲唔少添！
網友翻查打賞人嘅金額時，名列第一位係畀咗999蚊人民幣（約1,088蚊港幣），金額似係想為偶像攞個好意頭，而最後一位則是畀10蚊雞，一共有劇3,300人打賞，保守估計淨係打賞最低就有三萬幾蚊人民幣（約逾32,000蚊港幣）。
而另一主角周揚青就一於少理，相約好友下午茶之餘，更在夜裏相約外出狂歡，今日凌晨佢就自爆相約「左右護法」到知名夜店狂歡，仲話兩位好姐妹都用緊佢送嘅手袋，搞到佢鬼死咁冧豬。
來源 source: http://hk.on.cc
|
鍾意就快D Share啦！
|
|
|