因武漢肺炎疫情而停運5個月的六合彩攪珠，終於解封！馬會昨日公佈於7月21日星期二恢復攪珠，之後到7月25日星期六再舉辦，若情況理想，在接住的一星期起，便回復逢周二、四及六，每周三次攪珠。
不過，六合彩重開之日，竟是主持蔡運華被飛之時！為六合彩主持攪珠4年的蔡運華，昨日在facebook發長文跟觀眾道別，她寫道：「六合彩重開之日。功成身退之時，再無機會『預祝各位好運』就畀我喺呢度，同大家講聲再見......2020年，合約雖然8月才到期，但走的終須走，今日一知道重開，亦同時被正式通知，小女子功成身退啦。是有點難過，尤其在這艱難的時間。但這樣想吧，原本，我只是主持一個月的過渡期，之後就該全部交回TVB負責，結果，能以馬會主持身份留守，以隱定節目水準及協助新廠前期準備，這四年，對得住自己，對得住人。」
蔡運華表示自己懷孕8個月仍繼續主持六合彩，雖然只得5分鐘，但也算是開創香港電視史先河。她又謂：「最最最遺憾是兒子未識講嘢已是忠實粉絲，聽到片頭音樂就知媽媽會出現，除了六合彩他不可以看電視，以後無緣再看到媽媽上電視thefirstdrawnnumberis...沒機會好好說再見。就在這裡，謝謝這四年來，各位觀眾的支持。」
蔡運華本身是舞台劇演員，《蘋果》昨日向她了解是否被TVB踢出局時，她短訊回應：「唔係呀，一直以嚟都係有馬會主持同TVB主持，其實本來最初2015年TVB 轉播六合彩，就預咗全部都係由TVB人主持，不過唔知點解嗰陣一直都搵唔到啱嘅人，所以惟有馬會自己喺出面搵人，所以搵咗我幫手。我估，而家TVB主持表現好穩定，可以放心交晒畀佢哋，馬會就唔駛再出人。今次純馬會決定。」對於被飛出局，蔡運華直言：「好傷心。不過最大收穫係同導演組同威仔（另一六合彩主持蔡國威）做到朋友。有朋友話無機會親口同觀眾講拜拜好可惜，咁我惟有喺facebook同IG講拜拜。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|