人稱「鬼妹仔」的陳明恩是繼河國榮、喬寶寶、布偉傑等之後，又一位外籍面孔藝員離開大台，先有小生花旦逃亡潮，再來資深綠葉相繼劈炮，最後連少數的洋人面孔也留不住。陳明恩日前接受商台《1圈圈 星光背後》主持梁泰來訪問，提到今年2月宣佈不再續約，結束13年賓主關係，她說：「2013年《老表》時係好多演出機會，但近年機會比較少，一直都有考慮出邊會有大啲空間，加上計劃好結婚兩年後會同老公有BB，喺有BB前先開始睇中醫調理身體，試咗幾個月就成功，知道時，老公好興奮不停問我：『係咪真㗎？』，好感恩咁順利。」
2017年和老公鄭獻（Eddy）結婚，陳明恩目前懷孕4個月，陀的是男B，她是圈中出名的虔誠基督徒，曾揚言：「絕不會有婚前性行為。」因為宗教關係，她指二人拍拖4年，經過長時間婚前輔導後才結婚：「婚前輔導很重要，始終我哋兩個來自唔同世界的人住埋一齊，要事前了解同明白對方背境。」
而她和老公Eddy是因跳舞擦出愛火花，她自爆雙方均是大家的初戀對像：「我哋係跳舞識，我教佢跳Jazz，佢教我Hip Hop。佢係我初戀，我亦係佢嘅初戀，係好難得，我哋都鍾意過其他人，但好似神會有阻礙我哋同其他人發展咁，畀我哋走埋一齊。佢除咗靚仔，我最欣賞佢尊重女性。當時我唔知佢鍾意我，跳舞時佢會好小心保護我同其他女仔，佢亦好細心好有義氣，我屋企有咩問題，佢都好樂意幫手。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|