掃呢頁CODE去手機

2020年7月6日 星期一

【焗桑拿暈倒】「如花」李健仁去年中風半癱 田雞:講嘢有時窒窒吓 #如花 #李健仁

「如花」李健仁為周星馳電影付出唔少,做盡衰格、唔討好的角色,又經常男扮女,香港觀眾十分熟悉。今日有報道指,近年轉戰大陸的的李健仁,一向身體健康,但不幸 ...






「如花」李健仁為周星馳電影付出唔少,做盡衰格、唔討好的角色,又經常男扮女,香港觀眾十分熟悉。今日有報道指,近年轉戰大陸的的李健仁,一向身體健康,但不幸去年於深圳中風,半身癱瘓,當時情況來得非常突然,與朋友焗桑拿期間暈倒,要送院搶救,證實中風,最終保住命仔,但右邊身癱瘓、不能言語,最後選擇返港繼續就醫。報道指李太悉心照顧,李健仁正逐漸康復。

《蘋果》致電其好友田啟文(田雞),他證實阿仁於去年出事,他說︰「其實係舊年8、9月時,當時都未有疫情發生。」田雞表示得悉阿仁當時在深圳出事:「佢多數喺大陸做嘢,嗰日佢去咗焗桑拿覺得唔舒服,好彩佢有助手喺身邊,即刻送佢入院。」

田雞表示阿仁在深圳接受開腦手術救回一命,他說︰「我有去醫院探過佢,佢都認得我,但始終佢開過腦,有啲嘢都係唔記得,講嘢就一時時,有時好順,有時會窒吓窒吓,佢之後返咗香港,而家喺屋企休養緊,做緊物理治療。佢返咗屋企後,因為有疫情我都未有去探佢,同佢太太保持溝通。」問到田雞,阿仁出事後可有經濟壓力?他說︰「肯定有,我哋都有傾過,睇吓點樣幫佢定籌款,但係跟住有疫情,未有再跟進。」

李健仁與星爺是中學同學,經星爺介紹入行,幾乎每套與星爺合作電影都演丑角,其中以「如花」聞名,招牌動作是用手指尾撩鼻,眾多演出中,最「靚仔」一次,應該是《百變星君》中的王小虎一角。

-----------------------------

打國際線 《蘋果》英文版免費試睇按此了解更多

英文版已登錄新版《蘋果》App按此下載/更新



李健仁和太太育有三子女。(FB圖片)



鍾意就快D Share啦!