咁好艷福呀！
邵氏網劇《飛虎之壯志英雄》演員苗僑偉（三哥）、黃宗澤、吳卓羲、張兆輝、郭晉安、蕭正楠、朱晨麗、姚子羚、蔡思貝、陳瀅、蔡潔等在觀塘進行拜神儀式。《飛虎》拍攝到第三集，三哥笑謂將會長拍長有，接着將開拍第四、五、六集。黃宗澤笑言：「好似《愛．回家》處境劇咁拍落去，睇三哥啦，三哥話開就開啦。」
三哥與黃宗澤指今集動作場面比之前更多，第一集已經有槍戰及埋身肉搏。問到在酷熱天氣下可應付得來？三哥說：「中暑呢啲就冇得小心，話中就中，惟有飲多啲水。反而呢排突然間啲膝頭痠痛冇咗，生理上有啲變化，可能係迴光返照。」
黃宗澤透露劇中與陳瀅不單有咀戲更加有床戲，三哥笑說：「啲靚女、咀戲畀晒佢啦，我就唔知有冇。」講到黃宗澤與吳卓羲曾提議由無綫高層樂易玲配搭三哥拍攝感情戲，三哥笑說：「咁大件事，要佢粉墨登場。唔係嫌棄，驚佢辛苦啫。」
來源 source: http://hk.on.cc
|
鍾意就快D Share啦！
|
|
|
