投身保險行業的林作，自跟麥明詩分手後一直話題多多。繼之前國泰裁員事件，林作再次發功就「美國總統大選」大膽放話「拜登贏出，我夜晚12點放工廣東道裸跑！」。光係「找數」問題，林作經已成功借事件講足幾日，一時表示特朗普未認輸「冇數可找」，不過估唔到轉頭就林作就放出「裸跑相」，自爆經已做「真漢子」，之後林作於凌晨終於放出「裸跑短片」上網：「找數，真漢子。請支持林作」。唔通代表特朗普已輸？大家又點睇呢？
撰文：海月丨圖片：Facebook
林作裸跑找數？放片疑造假 網民：睇到個影有著褲 內文有片
繼之前國泰裁員事件後，今次林作就「美國總統大選」再次發功。雖然美國總統大選，尚未知特朗普與拜登誰入主白宮，不過林作早前就發文開Post支持特朗普一定得，更揚言如果拜登贏出，就會在廣東道裸跑：「早在2015年，我就話，特朗普，一定得。5年過去，作為香港特朗普，我再次斷言：特朗普今次，都一定得。因為同香港一樣，美國政治需要有能力的明星。比起希拉里，拜登弱10皮。民調？我呸。如果拜登贏出，我夜晚12點放工廣東道裸跑一段為佢贈興又點話？咁夠薑？係啊，因為根本唔會發生。歷史，只是不斷地被重複」。
不過早前林作就表示「唔認為特朗普會輸」，如果「選舉最後被揭係不公義地令到特朗普輸呢，我係冇數可以找嘅」。「如果公平公正地特朗普係輸咗呢場選舉，咁我咪裸跑囉！鬧我走數？嚟囉！」。
林作：跑我就跑咗，我拍咗添找數打格照瘋傳 一句「拜登贏，我廣東道裸跑！」
雖然之前林作「笠水」表示「冇數可找」，不過又自爆經已自行「找數」：「依家話你知，跑我就跑咗，我拍咗添我依家係等幾時擺出嚟當找數咋。」更放出半夜戴住口罩落街裸跑相片，不過下半身就打哂「格仔」，「我就唔會『淆底』嘅，做定先等唔好咁多人圍觀嘛，畀人捕咗點算呀？」，而且更堅持當時「全裸無打底」。
雖然叫做「有相為証」，不過一眾網民就唔多受落喇。終於林作於日前凌晨時分，放出「裸跑短片」上網，更寫住：「找數，真漢子。請支持林作」。不過所謂「裸跑短片」片段只有5秒，片中有一位男士戴住黑色口罩，於深夜無人行人路上跑咗約20米，但明顯現場環境並非林作之前所講的廣東道。
來源 source: http://www.nmplus.hk
|
鍾意就快D Share啦！
|
|
|