59歲的黃秋生，今年9月在大坑住所收拾細軟，搬離租住了廿年的居所，準備移居台灣。對食有要求、離港在即的他，除了趁離開前去光顧喜歡的餐廳外，他還打算移居台灣後，拍片介紹台灣美食，以及做回老本行在當地開班教戲。早前仍在香港的秋生，現身港島大坑與朋友在餐廳內密斟，之後他不單止走出餐廳跟記者打招呼，大談為去台灣作準備，更透露打算投身飲食界開餐廳學做生意。
日前約下午4時許，《蘋果》在大坑遇到黃秋生，當時他與一名男友人及女助手，正在一間餐廳內密斟，之後秋生又走到吧枱位與店長詳談，好像正了解一些餐廳的運作。及後他發現記者，秋生索性從餐廳走出來，主動跟在場記者打招呼。
秋生走出來後，企定定跟記者傾談，並透露他移居台灣後的工作大計，被問到是否與友人正在傾談生意？他說︰「同朋友傾吓台灣啲生意。」問秋生打算搞甚麼生意？他笑謂︰「係秘密，商業秘密，呢個真係唔講得住，都係啲飲食嘢。」至於他移居台灣的手續辦妥未？他說︰「冇咁快，要嗰邊真係有嘢做至得㗎。」
談到搬屋後，是否租屋住？秋生說︰「唔係，搬屋係為咗慳錢啫，我有地方住，我自己仲有嘅（指物業）。」至於近日在港的工作如何？他笑謂︰「冇事忙，但又好多嘢搞，好似寫嘢、網上嘢啦，仲同貴公司搞啲節目；其實都有啲電影嘅，而家都係得個傾，要時間囉，等緊去台灣拍嘢，拍飲食節目，我就嚟轉行做飲食界，到時嚟多多幫襯吓，多謝大家。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|