掃呢頁CODE去手機

2019年5月29日 星期三

陳妍希:陳妍希實測跑步減肥 一個月之後驚人變化 __,陳妍希,

到底係成功定失敗呢?台灣女星陳妍希雖然係宅男女神,但佢同天下女性一樣,都有減肥嘅煩惱。一向面圓圓嘅佢,2014年做大陸劇《神鵰俠侶》「小龍女」,更慘被 ...


到底係成功定失敗呢?


台灣女星陳妍希雖然係宅男女神,但佢同天下女性一樣,都有減肥嘅煩惱。一向面圓圓嘅佢,2014年做大陸劇《神鵰俠侶》「小龍女」,更慘被網友笑係「小籠包」...依家做咗人妻、仔都生埋嘅陳妍希,依然有唔少Baby Fat,係就係望落後生啲,但上鏡始終冇咁好睇,所以佢上個月底就痛定思痛,開始跑步減肥,仲分享跑到面紅紅嘅相,誓要搣甩「小籠包」呢個名!

體重沒掉腿變粗

話咁快一個月過去,大家係咪期待陳妍希Fit咗好多呢?可惜嘅係,同大多數女仔一樣,陳妍希都減肥失敗...佢好失落咁表示:「好了,我的跑步生涯要結束了,跑了一陣子,體重都沒掉,腿還變粗了,真心哭了😭」唔止冇瘦到,對腳仲粗咗咁慘豬?不過佢好快又振作番,仲話依家改以游水減肥:「今天游了一公里加皮拉提斯40分鐘,看看可以維持多久。」但佢最後都話唔知自己可以撐幾耐...

網友感同身受

陳妍希呢個發文引起唔少回響,有網友感同身受話:「我也是只有跑步,但目前遇到瓶頸了😭」亦有人提醒佢要控制飲食,同埋建議佢做Gym增肌,仲有網友表示佢係冇認真拉筋先會「腳粗」。不過都有粉絲心痛表示佢依家已經好瘦,話佢點都係最靚嘅!




來源 source: http://hk.on.cc
鍾意就快D Share啦!