掃呢頁CODE去手機

2019年5月29日 星期三

李司棋:同李司棋鬥足幾十年 黃韻詩重現江湖 __,李司棋,

謝月美(左起)、李司棋、張偉盈、鍾楚蓮和黃韻詩合照,十分難得。「大契」李司棋於社交網十分活躍,今日佢喺網上晒出與相識多年嘅好友聚會,呢班就係舊日麗的映 ...


謝月美(左起)、李司棋、張偉盈、鍾楚蓮和黃韻詩合照,十分難得。


「大契」李司棋於社交網十分活躍,今日佢喺網上晒出與相識多年嘅好友聚會,呢班就係舊日麗的映聲(1973年改名麗的電視)演員訓練班嘅好拍檔喇!

合照中見到謝月美、張偉盈、鍾楚蓮和黃韻詩,當中嘅亮點莫過於退出幕前嘅黃韻詩,本身IQ高、轉數快嘅黃韻詩憑住生鬼口才加出色演技,令觀眾留下深刻印象,佢拍嘅電影《92黑玫瑰對黑玫瑰》飾演艷芬、《賭俠2之上海灘賭聖》飾演川島芳子同電視劇《執到寶》飾演阿琴都成為香港人嘅集體回憶、觀眾心目中嘅經典作品。而1980年劇集《山水有相逢》,李司棋飾演嘅「梅妹」同黃韻詩飾演嘅「梅劍仙」,兩師姊妹為咗情同利反面,鬥足幾十年,對白精警、演技出色,成為神劇!

李司棋曾表示每年都會相約已移居加拿大嘅黃韻詩飲茶見面,曾多次邀約對方拍戲,不過黃韻詩樂於自在,同老公周圍去旅行,所以唔會再復出。好多網民話見到佢哋,舊日回憶即時湧現。




來源 source: http://hk.on.cc
鍾意就快D Share啦!