原來魏駿傑早前已經拍咗部內地電影，佢直言對票房有信心。藝人魏駿傑出席糖水店開幕活動，他透露與食店老闆相識多年，希望日後有機會合作搞飲食生意。問到是否專 ...
Video Player is loading.
Current Time 0:00
Duration 0:00
Remaining Time -0:00
This is a modal window.
The media could not be loaded, either because the server or network failed or because the format is not supported.
Beginning of dialog window. Escape will cancel and close the window.
End of dialog window.
原來魏駿傑早前已經拍咗部內地電影，佢直言對票房有信心。
藝人魏駿傑出席糖水店開幕活動，他透露與食店老闆相識多年，希望日後有機會合作搞飲食生意。問到是否專注於發展飲食王國？他自爆最近「下海」復出拍內地電影：「本來諗住等退休客串吓就算，點知最後變咗拍晒成套戲，喺農曆年前拍完，係一部商戰片，預計8月喺全國公映。（對票房有冇信心？）雖然我年紀大咗又發福，但梗係有信心，因為歷練多咗，同埋難得有機會，梗係要好好把握。今次角色係一個自大嘅人，失敗過後成長咗，同自己好似，所以更加容易投入。」他又指劇組率先將部分片段放上社交網，獲得700萬點擊，相信屆時上映成績會更好。
想試吓演變態殺手
講到復出拍戲後片約不斷，他笑指：「有啱嘅工作梗係做，拍劇都唔怕辛苦，依家除咗睇錢，最緊要係劇本好玩，想試吓演變態殺手，做啲未演過嘅角色。」問到可有興趣回港拍劇？他大爆與無綫尚有一部劇集約：「都想喺香港拍劇，但好似內地市場比較啱我。不過我好似同TVB仲有一部劇未拍，如果佢哋搵我都會想合作。」
