掃呢頁CODE去手機

2019年5月29日 星期三

【港人遲婚生仔難】利嘉兒為造人日日打針痛到喊:肚皮瘀晒青色一撻撻 __,利嘉兒,

馬上成為壹會員會員專區只限會員閱讀會員註冊/登入利嘉兒2002年主持《笑談普通話》好入屋,至今仍為人所記得。已經45歲做了人母有個不足一歲囡囡的她,最 ...


馬上成為壹會員
會員專區 只限會員閱讀


利嘉兒2002年主持《笑談普通話》好入屋,至今仍為人所記得。已經45歲做了人母有個不足一歲囡囡的她,最近參與TVB節目《媽媽唔易"造"》,大談經歷流產後,繼續高齡「造人」的種種辛酸,痛苦得一度想放棄兼反問自己:「點解我為咗生BB要咁辛苦呢?係咪真係需要做到咁辛苦呢?」

港人遲婚情況普遍,而且隨著年齡增長,女士自然懷孕機率持續下降。為了「造人」,很多人試盡各種方法,經歷過首胎懷孕兩個月但不幸流產的利嘉兒,踏入40歲後覺得不應再浪費時間,於是為生仔用盡方法:「所以嗰時就開始睇中、西醫,咩方法都試下啦,人工、打針都試。有打排卵針,但後來身體報告發現我凝血有少少問題,因為如果血流動得唔好的話,其實即使懷孕都有危險,都容易小產。為了將流產機會減到最低,要改善凝血問題,所以嗰時每日要打排卵針之外,仲要打薄血針。」

利嘉兒用盡方法,同時亦吃盡苦頭,因為打薄血針好攞命!她說:「打薄血針係出晒名痛,一打落去,啲藥會影響我整個肚都好痛好痛,同埋打完之後,整個肚皮會瘀晒。嗰段時間每日工作就係定時定候打排卵針,同埋要打薄血針。除咗痛之外,個肚長期都係瘀晒一撻撻青色、藍色咁樣。嗰時一路打針,一路痛到自己啲眼淚不自覺咁標出嚟。」

除了肉體上的痛,精神上的痛亦令利嘉兒壓力爆燈:「其實精神上都好痛苦,因為日日就係不停睇中醫、煲藥、食藥,睇西醫、打針。個過程好孤獨,因為無人幫到你,亦都無人可以同你share,全部嘢你都係靠你自己。」

幸好老公體諒,不忍利嘉兒身心受苦,一句「算啦,我哋有信仰,應有BB嘅時候自然會俾我哋」,令利嘉兒突然想通:「人工、自然方法都試過,我已盡本份。」整個人鬆了口氣。誰知當她夫妻二人心如止水時,忽然就「中獎」。「中獎」後,利嘉兒與丈夫在懷孕首三個月中,都沒有很開心、激動,只是單純循例做檢查,直到胎兒開始長出手腳在肚子裡動來動去,利嘉兒才首次強烈感受到這個與自己連在一起的生命,才第一次真真正正地感受到掩蓋不了的喜悅。

現在利嘉兒每日見證女兒肥肥白白地成長,回望過去種種辛酸,她說一切都值得:「而家有咗囡囡之後,望返轉頭呢一段路,雖然好難行好辛苦,但係都捱過咗。見到佢健健康康,自己覺得過去咁多年經歷過嘅痛苦都係值得。同埋反而會覺得,自己原來過往咁多年捱過咁多關,即係關關難過又關關過,覺得自己原來曾經係可以咁勇敢。」

立即下載APP,精彩內容壹手掌握

下載連結: http://bit.ly/Next29App

如對會員訂閱制遇到任何問題或意見,你可以致電 2623 9985,或電郵聯絡客戶服務主任cs@nextdigital.com.hk,我們定當盡力協助!


鍾意就快D Share啦!