掃呢頁CODE去手機

2018年12月16日 星期日

【出軌疑雲】70歲梁小龍「自爆」婚外情 網民撐兩年前偶遇夫妻恩愛 __,梁小龍,

70歲梁小龍爆出偷食疑雲(網上圖片)
喺周星馳電影《功夫》扮演「火雲邪神」嘅70歲武打影星梁小龍,噚日喺微博忽然「自爆」有婚外情,向細30多歲嘅情人表白愛意,仲貼出一張疑與情人視訊嘅截圖, ...


喺周星馳電影《功夫》扮演「火雲邪神」嘅70歲武打影星梁小龍,噚日喺微博忽然「自爆」有婚外情,向細30多歲嘅情人表白愛意,仲貼出一張疑與情人視訊嘅截圖,但隨後卻秒刪帖文。(新聞連結: https://bit.ly/2BkCvKD )

相關新聞:【人在做天在看】捲入出軌風波 梁小龍首開腔:我問心無愧



之後一名自稱梁小龍徒弟嘅「靖龍」,喺微博留言代師澄清,指師傅嘅帳號喺1個多月前已被盜用:「家師年紀已大,不太會用微博,所以被盜後也沒怎麼當回事。但是今天這個事我們很重視,正在全力解決,必要情況下一定會採取法律手段保護自己。請大家對老人家溫柔一點,真的不是大家想的這樣,但凡有腦子的人都能想明白,如果這是真事,怎麼可能會這麼光明正大的拿出來說。老人家這一輩子的愛國情結和正直為人,大家也都是清楚的。謠言止於智者,請勿隨意聽信。感恩。」

然而,捲入偷食疑雲嘅男主角梁小龍至今未表態,大批網民食花生議論紛紛,有網民力撐梁小龍,貼出2年前喺養生館跟梁小龍嘅合照,留言:「人很親切,他是帶着老婆去的,老婆非常漂亮有氣質,相信不會出軌。」不過,亦有網民提出質疑:「視訊電話的截圖怎麼解釋」、「徒弟說再多,不如梁老師直接出面解釋。」



梁小龍有過兩段婚姻,首任妻子係中英混血歌手黎愛蓮,兩人於75年結婚,育有一女,79年黎愛蓮遭人潑強酸毀容,1年內接受20次植皮手術,身心受創下傳曾三度自殺,有指梁小龍為治愛妻花盡畢生積蓄,不過最後都係離婚收場!94年梁小龍經朋友介紹認識細20歲嘅第二任老婆宋驤,拍拖1年即閃婚,現育有一子一女。



精選娛聞,喺晒《娛果》

http://fb.com/appledailyent



70歲梁小龍爆出偷食疑雲(網上圖片) 幾年前一家四口合照(網上圖片) 幾年前一家四口合照(網上圖片)
網民爆兩年前曾偶遇梁小龍夫婦(網上圖片)

網民爆兩年前曾偶遇梁小龍夫婦(網上圖片)

鍾意就快D Share啦!