掃呢頁CODE去手機

2018年12月16日 星期日

張國榮做媒的誤會毛舜筠幸福姻緣靚菜啅老公 __,張國榮,毛舜筠,

毛舜筠日前受訪,大談以美食維繫與丈夫區丁平的幸福姻緣,更澄清二人的相識,並非由舊愛張國榮介紹。
毛舜筠日前受訪,大談以美食維繫與丈夫區丁平的幸福姻緣,更澄清二人的相識,並非由舊愛張國榮介紹。【娛樂人物】毛舜筠入行40多年,人生步向黃昏越豐收,今年 ...


【娛樂人物】毛舜筠入行40多年,人生步向黃昏越豐收,今年憑着《黃金花》初嘗影后滋味,感情路上雖經過多番挫折,要到第三段婚姻才找到「對的人」,與現任丈夫區丁平結婚24年,為對方鑽研廚藝,甚至飛去法國藍帶學烹飪,以靚餸佳餚維繫幸福姻緣。不過,提起傳聞中,舊愛張國榮是她與區丁平的媒人,毛姐直到今時今日才澄清,僅是一場美麗的誤會。

採訪:余燕儀

攝影:沈健程

相關新聞:拒絕張國榮求婚

現年59歲的毛舜筠明年就「登六」,她的生命卻越活越精采,入行40多年的她,今年憑電影《黃金花》奪得金像獎最佳女主角,首嘗影后滋味。兩年前她往法國進修藍帶廚藝文憑課程,去年正式成為藍帶廚師,上星期更榮升老闆娘在灣仔開設曲奇餅店,這間餅店是她和老公區丁平(Tony)的心血結晶。

毛姐的感情經歷過滄海桑田,區丁平是她第三任老公,但最人所共知的,是她17歲時跟張國榮(哥哥)有過一段puppy love,後來毛姐在21歲嫁給首任老公文舒揚,婚姻僅維持3年;29歲與第二任老公蔣家駿結婚,5年後離婚;到35歲跟區丁平閃婚,婚後二人育有兩女,婚姻踏入第24年。



入行40多年,毛舜筠今年憑電影《黃金花》首次奪得金像影后。資料圖片 入行40多年,毛舜筠今年憑電影《黃金花》首次奪得金像影后。資料圖片
毛舜筠為區丁平甘心做「煮」婦,更表示煮餸比演戲更有滿足感。

毛舜筠為區丁平甘心做「煮」婦,更表示煮餸比演戲更有滿足感。
毛舜筠不時在網上大晒撚手菜式。互聯網圖片

毛舜筠不時在網上大晒撚手菜式。互聯網圖片

識咗幾十年

一直有傳當年是哥哥做媒人,介紹區丁平給毛姐認識,毛姐日前在灣仔接受《蘋果》專訪,她又好氣又好笑地澄清:「梗係唔係啦,呢個謠傳傳咗幾十年,我真係好嬲,不過我懶得去澄清,嚴格嚟講,穿紅線嘅人係梁太(梁李少霞),但佢又唔係介紹人,因為我哋識咗好耐,大班朋友成日去梁太屋企聚會,我哋根本唔需要人介紹,已經識咗幾十年,只不過係梁太見到我哋都single,曾經約我哋食飯,就係咁之嘛,食吓食吓就開始拍拖,同哥哥完全冇關,哥哥只不過喺我結婚時出現,同埋佢知我同Tony拍拖時,佢話:『正喎!』就係咁啫。」

愛情可以改變一個女人,不懂下廚的毛姐,為了丈夫甘心做「煮」婦,她笑言:「以前成日都拍戲,人哋問我識唔識煮嘢,因為我唔識,但話畀人聽唔識好似好低威,所以我話:『我做大事㗎,哈哈!』但同Tony結婚後,佢唔鍾意出街食飯,但我唔識煮,問老友梁李少霞,佢每日教我一個餸,我自己一日煮兩個餸,一路加落去,到𠵱家入廚24年,如果唔使開工,每餐都係我煮。」

相關新聞:獎項緣薄演技有笑有淚



毛舜筠(右二)與區丁平結婚24年,育有兩個女兒,一家四口樂也融融。微博圖片

毛舜筠(右二)與區丁平結婚24年,育有兩個女兒,一家四口樂也融融。微博圖片

滿足過演戲

區丁平與毛姐感情已達細水長流:「𠵱家昇華到唔同level,好似兩嚿好多稜角嘅石,經過24年磨合,完全了解同適應,好似睡衣同拖鞋咁,好舒服,好知道佢性格係點,如果明知道會辣着就唔講,佢最鍾意食,所以成日都整嘢畀佢食。」因做「煮飯婆」令她愛上烹飪,更發掘了與做戲相似的滿足感,她表示:「不斷聽到有人話我知:『《家有囍事》睇咗幾十次,好鍾意,連對白都完全識背。』我好開心,煮餸一樣,當你見到食嘅人鍾意,某程度上滿足感仲大過做戲,因為做戲只係扮演一個角色,有其他人分工合作,但煮餸由買料到煮,所有嘢全部都係我一個人做。見到鍾意嘅人、屋企人、朋友食得開心,好enjoy!」

場地提供:Mustard Seed Co-working space




鍾意就快D Share啦!