曾喺電視劇飾演陳真、電影《功夫》中演火雲邪神嘅70歲演員梁小龍，現時仍活躍於幕前，早前仲喺香港接拍林敏驄嘅賀歲片《如珠如寶》。已有家室嘅梁小龍，今日驚傳另有情人，佢仲喺微博寫下一篇疑似向情人「表白」嘅留言，仲貼埋一張同一名年輕女子嘅視像通話嘅相，都幾明目張膽。
梁小龍喺微博寫嘅「表白」留言，透露佢今次去橫店拍戲，瞞住老婆同一名細佢30多歲、向外聲稱係助理嘅女子，仲話養咗對方多年，對方叫佢做老公。最離譜係佢寫住話，佢離開唔到呢位女助理，可以連家庭、老婆同兒女都唔要。點知呢段疑似「表白」嘅留言貼咗冇耐，隨即秒刪。而有自稱係梁小龍嘅徒弟就代師傅出頭指呢個賬戶於一個月前已被盜用，但就冇解釋到視像通話嘅相點樣嚟。
先後有兩段婚姻嘅梁小龍，首任妻子係60年代歌手黎愛蓮，並育有一名女兒，可惜離婚收場。90年代梁小龍遇到比佢細20年嘅現任妻子宋驤，二人育有一子一女。
疑似「告白」全文︰
「這次去橫店拍戲，騙我老婆而帶你一起去，這20多天24個小時都跟你在一起，實在是太開心了，為了方便帶你去，只能對外講你是我的助理，不用拍戲的日子，就帶你去溫州和義烏玩，我養了你這麼多年，你一直也是管我叫老公，只要你高興，讓我做什麼都願意，我周圍所有的朋友都知道你的存在，這次帶你一起去拍戲，也就是想讓其他人知道你是我的女人，為了遷就你，拍完戲我沒有直接飛香港，而是陪你飛深圳，然後我再回香港，我離不開你，為了你我可以不要家庭老婆和兒女，雖然我比你大三十多歲，但只要你不離開我，每個月在你身上花費多少錢我都願意，因為想你，每日都要跟你視頻通話完之後再回家。」
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
