2018年12月16日 星期日

楊秀惠:畀張衞健搞到暴瘦 楊秀惠自嘲冇攞獎命 __,張衞健,楊秀惠,

楊秀惠自言對住張衞健好大壓力!女星楊秀惠(Vivien)最近與張衞健(Dicky)合作台慶劇《大帥哥》,飾演風騷小明星兼大帥的姨太太,她稱角色需要濃妝 ...


楊秀惠自言對住張衞健好大壓力!


女星楊秀惠(Vivien)最近與張衞健(Dicky)合作台慶劇《大帥哥》,飾演風騷小明星兼大帥的姨太太,她稱角色需要濃妝艷抹,非常妖艷,連自己也接受不了這樣的自己,並自嘲似「八婆」上身:「覺得呢個真係唔係我,好似易容,不過出嚟效果係好靚。有時落妝同其他演員一齊食飯,張衞健就話『秀惠原來你係咁嘅樣』。」

跳舞心驚驚

劇中,Vivien有不少歌舞演出,其中一場,Vivien穿着一件很性感的戲服在大帥府中對大批人載歌載舞,還要表現得風騷入骨:「我內心係好驚,當日Dicky幫我排咗少少舞步,其實當日我擔心會唔會過火,但出到來成件事好好睇,佢幫我加多少少細節,畫面即時豐富好多。」

Dicky加意見

首度跟Dicky合作的Vivien盛讚對方是一個好前輩:「有時我會質疑自己,但佢會畀到自信你,會叫你去得盡啲。有場戲冇佢,佢早咗返嚟,佢喺側邊睇,佢都會加意見,佢唔係自私嘅人,佢想全套劇都好,係個好好前輩。」她直言面對Dicky時壓力頗大,並因此而消瘦不少,由54kg(約119磅)暴跌至48kg(約106磅):「佢為我好,會幫我加對白,仲要用番佢個速度去講。記得我頭一、兩次對白好長,臨時再加對白,啲對白又翹口,我突然間覺得自己好蠢,我要諗盡辦法一定要喺幾分鐘內背熟晒所有嘢再一輪嘴好有自信咁講出嚟,係有精神壓力,但係好壓力,令我有進步。」

長期覺得自己蠢

她又指Dicky有非常耐性,從來不會鬧人:「佢相信你做得到,你冇可能再質疑自己,好失敗嘅人先會咁,所以我都要相信自己,我同自己講:『醒啲啦,楊秀惠。』拍劇嘅時候我長期都覺得自己好蠢。」

等運到

今次Vivien憑《大帥哥》入圍頒獎禮的最佳女配角,她大感開心,但提到入行14年從未獲獎,只多次入圍「女配角」,問到會否感失落?Vivien直言:「人之常情,有邊個會唔想攞獎,我可能冇呢條命,我已經睇好開,隨遇而安,盡全力做好自己。(希望接啲更有發揮嘅角色?)要等機會,演員永遠都係等機會遇到好角色,好被動,只可以一邊努力,一邊等運到,要天時地利人和。」

生活好幸福

至於感情方面,Vivien稱女人終有一日要結婚,自己亦不例外:「如果有一日我話結婚同生小朋友都唔出奇!(感情有着落?)我係個好幸福嘅人。(結婚會公布?)結婚唔係一個人嘅事,係屬於兩家人,要顧及對方感受,唔係人人鍾意高調。(結咗都唔知?)唔知呀,未到嗰一刻。」

服裝﹕Topshop


來源 source: http://hk.on.cc
鍾意就快D Share啦!
Related Posts Plugin for WordPress, Blogger...