掃呢頁CODE去手機

2018年12月16日 星期日

【攞獎兼宣佈結婚】蕭正楠台上多謝黃翠如:多謝我太太 __,蕭正楠,黃翠如,

蕭正楠同黃翠如喺台上咀嘴
今晚《萬千星輝頒獎典禮》嘅「最受歡迎電視拍檔」,就由一對好拍檔洪永城同黃翠如頒發,由蕭正楠同曹永廉奪得,兩個一身紅色咁拖住上台,蕭正楠一上台就大讚女友 ...


今晚《萬千星輝頒獎典禮》嘅「最受歡迎電視拍檔」,就由一對好拍檔洪永城同黃翠如頒發,由蕭正楠同曹永廉奪得,兩個一身紅色咁拖住上台,蕭正楠一上台就大讚女友翠如,之後佢就好多謝公司安排曹永廉同佢拍檔。

相關新聞:【希望今年唔使天然呆】黃心穎性感經男友批准 唐詩詠每年都投馬明做視帝



然後蕭正楠就話有少少嘢想講,個樣仲好認真:「2018年喺我工作上有好多成就,拍咗好多好好嘅劇,做咗好好嘅綜藝節目,而喺我人生中,我都做咗一個好大嘅決定,我好想趁呢個機會,多謝我太太黃翠如。」之後全場開始歡呼,翠如仲笑到見牙唔見眼。蕭正楠又講到眼濕濕,話想準備啲好浪漫嘅嘢,所以好緊張。



阿廉就叫大家:「一齊數三聲恭喜,蕭太!」蕭正楠話:「Sorry sorry,我係好心神恍惚,拍戲或有人嗌我都唔知,我一直諗啲好浪漫嘅嘢感動我太太,但我個腦仔有限,唔識講好多嘢,好緊張,緊張咗成晚,我都唔記得要多謝你乜嘢。我多謝你令我學識去照顧人,令我學識做個更加好嘅男人,今晚呢個承諾都好大鑊,因為全香港人都知道。」翠如終於開口:「夠喇,夠喇,頒獎禮嚟㗎。」蕭正楠即聽話﹕「多謝大家畀呢個機會我講,多謝晒!」

相關新聞:【已諗定得獎謝詞】《BB來了》成視后大熱 李佳芯有信心攞獎



陸浩明就叫大家:「恭喜一對新人合巹交杯同世紀一吻,唔好意思突然間變婚禮,我哋一齊恭喜蕭生蕭太,祝百年好合,永結同心。」最後一對新人亦在大家祝福下情深一吻。



精選娛聞,喺晒《娛果》

http://fb.com/appledailyent



蕭正楠同黃翠如喺台上咀嘴 蕭正楠喺台上得獎後,突然話要多謝太太黃翠如 蕭正楠喺台上得獎後,突然話要多謝太太黃翠如
黃翠如聽完蕭正楠咁講都表現得好突然

黃翠如聽完蕭正楠咁講都表現得好突然
之後蕭正楠又攬住老婆黃翠如

之後蕭正楠又攬住老婆黃翠如

鍾意就快D Share啦!