嘩，呢張咩圖嚟架？一撻撻瘀綠色嘅？
唔係嘛，原來係肥仔何遠東個肚腩！搞咩整到一撻撻瘀綠色？想知點解，睇片
「我有不停嘅第一次，就係不停俾唔同嘅對手打，有張晉哥、釋彥能，我覺得自己好勁，我俾佢兩個打完都未死，其實已經係好叻，俾傑少（鄭嘉穎）點樣打呢？就係一手車埋嚟，因為我係一隻狗，佢成日都話，你無靈魂㗎咩？我話無㗎，跟住個變態大佬，我都唔慌會好得去邊，嗰一巴真係好應，我醒晒！亦都覺得幾抵嘅，咁樣車出嚟。到最後同彥能打，有一個組合係三拳加一腳，然後我就飛出窗，無問題喎！只係打咗百零次之嘛，個肚就即時瘀晒。」
為咗拍《葉問外傳：張天志》，肥東唔只要捱打，仲要硬食鄭嘉穎嘅連環掌摑！打到鄭嘉穎唔好意思，對住肥東做晒口型講「對唔住」，咁摑落去，又真係幾慘嘅！
話晒今次算係肥東入行以嚟，拍嘅第二套電影，除咗導演係袁和平，演員有張晉、鄭嘉穎同周秀娜，肥東有三十幾組戲，足足喺佛山拍咗3個月，佢真係搏晒命去拍！
最近，肥東同細細粒合作電影《你咪理，我愛你！》，兩位「重」量級演員，每次嘅演出都盡力做到最好，都係嗰句，付出未必有回報，但一定有人睇到你嘅努力！
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
來源 source: http://nextplus.nextmedia.com
|
鍾意就快D Share啦！
|
|
|
