2016年3月17日 星期四

玩大咗無綫唔吼 龐卓欣降呢做 blogger [壹週刊 - 1358] 無綫,龐卓欣,M1,

娛樂偵訊玩大咗無綫唔吼 龐卓欣降呢做blogger十優港姐麥明詩與無綫拉鋸四個月,最終於今年初屈服被綁五年。眼見死敵已投降歸順,一直抗拒簽長約的龐卓欣(Ada),早前安排富貴父母同樂易玲見面,點知大小姐耍性格辣㷫大媽,即時被掟入雪櫃;為保人氣,龐卓欣只好降呢做blogger,等解凍。屈服簽五年有個東驥基金管理董事總經理龐寶林做老豆,是家中獨女的龐卓欣自小要風得風,要雨得雨。「Ada入行都係賺錢買花 ...


娛樂偵訊

玩大咗無綫唔吼 龐卓欣降呢做 blogger

十優港姐麥明詩與無綫拉鋸四個月,最終於今年初屈服被綁五年。眼見死敵已投降歸順,一直抗拒簽長約的龐卓欣( Ada),早前安排富貴父母同樂易玲見面,點知大小姐耍性格辣㷫大媽,即時被掟入雪櫃;為保人氣,龐卓欣只好降呢做 blogger,等解凍。

屈服簽五年

有個東驥基金管理董事總經理龐寶林做老豆,是家中獨女的龐卓欣自小要風得風,要雨得雨。

「 Ada入行都係賺錢買花戴,選完港姐佢顧住拍拖周圍去,一直都拖住唔肯同無綫簽約。麥明詩本來都一樣,只係想簽兩年玩吓,不過無綫企硬,最後都要屈服簽五年,佢簽咗約公司就即刻安排做新節目, Ada見到咁,開始擔心再扭計會錯失機會,態度已經冇開始時咁硬。」知情者說。

素顏示人

閨房都出鏡

低胸吸睛

玩花面貓

大小姐辣㷫大媽

季軍郭嘉文第一時間賣身,跟無綫簽下八年長約,是同屆港姐最先被安排拍劇,在《廉政行動 2016》其中一個單元與陳展鵬合作,仲要做女主角。

「其實無綫一直都有搵 Ada傾約,之前佢亦帶埋父母一齊見樂易玲傾合約嘅嘢,不過 Ada的大小姐性格完全冇俾面,樂小姐好㷫,加上 Ada爸爸唔想佢簽咁長年期,所以最後乜都傾唔成,無綫亦放軟手腳,索性冰鮮 Ada。」

今屆港姐新聞多多,龐卓欣同麥明詩一樣冇避忌,早已公開拍拖。

同有米男朋友 Solomon感情好,龐卓欣經常放旅行相放閃。

有米唔憂生活,冇工開的龐卓欣會約埋朋友去旅行,坐的都是商務或頭等機位。

教化妝扮靚

眼見郭嘉文、麥明詩已經埋晒位,無綫又對自己不聞不問,冇嘢做的龐卓欣為 keep住人氣,降呢都照做,在 YouTube教人化妝扮靚做 blogger。

「 Ada係任性大小姐性格,不過唔係蠢,佢知道再咁落去,有個港姐亞軍名銜都冇用,所以佢做住 blogger喺 YouTube教化妝扮靚, keep住有得曝光,等無綫軟化再傾簽約,好過乜都唔做嘥時間。」知情者說。

上週六(三月十二日),龐卓欣約埋一班落選港姐到灣仔食日本菜,之後再直落銅鑼灣皇室堡食雪糕;去唔到食飯的麥明詩亦有蒲頭 join埋食甜點。唔想再同無綫硬碰的龐卓欣,大可向已經投降的麥明詩,請教如何氹番無綫。

上週六,她又約埋幾個落選港姐去食日本菜,之後再 join麥明詩食雪糕。

愛女深切,龐卓欣爹哋及媽咪跟他一起出席活動,更經常開腔撐女兒。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...