掃呢頁CODE去手機

2016年3月17日 星期四

乜嘢係幸福? 睇翁嘉穗就明 [壹週刊 - 1358] 翁嘉穗,M1,

同你吟一吟乜嘢係幸福? 睇翁嘉穗就明回到當年,海馬老闆鄔友正同李明慧取消婚約,閃娶翁嘉穗,奇情到被形容為「鄔公奇案」;時至今日,所見到嘅,或者可以證明鄔友正選擇冇錯。咁有幾愛?睇舊年翁嘉穗再幫老公添多個仔可知一二之外,《壹》仔更親眼目睹,呢對年齡相差二十年嘅夫婦,關係有幾好!有晚鄔友正兩公婆,帶埋十六歲大仔陪個老人家,一齊喺CafeLandmark開餐,由坐低到埋單離開,一家人有傾有講之餘,鄔友正 ...


同你吟一吟

乜嘢係幸福? 睇翁嘉穗就明

回到當年,海馬老闆鄔友正同李明慧取消婚約,閃娶翁嘉穗,奇情到被形容為「鄔公奇案」;時至今日,所見到嘅,或者可以證明鄔友正選擇冇錯。

咁有幾愛?睇舊年翁嘉穗再幫老公添多個仔可知一二之外,《壹》仔更親眼目睹,呢對年齡相差二十年嘅夫婦,關係有幾好!

有晚鄔友正兩公婆,帶埋十六歲大仔陪個老人家,一齊喺 Cafe Landmark開餐,由坐低到埋單離開,一家人有傾有講之餘,鄔友正、翁嘉穗同囝囝,三個人嘅笑容都係真開心!

嫁到個有錢人,未必可以好幸福,不過,翁嘉穗應該係兩樣都有。

鄔友正同翁嘉穗有幾好?從大家嘅笑容已經睇到。

著住條 Moschino Powerpuff Girls裙嘅翁嘉穗,未食嘢,已經放晒蚊。

16歲大仔遲吓就會去外國升學,但細仔就先得九個幾月大,翁嘉穗有排都甩唔到身。

翁嘉穗簽咭埋單,好明顯,佢揸數!

行去扱飛俾停車場錢,一家人邊行邊講,好融洽。

撰文:八珍


鍾意就快D Share啦!