掃呢頁CODE去手機

2016年3月17日 星期四

《黎明話你知》:黎明急轉彎:想研究佢個頭! __,黎明,

《黎明話你知》:黎明急轉彎:想研究佢個頭!被譽為「金句王」的黎明(Leon)前日在《東網巨星》專題節目《黎明話你知》解答市民提問,昨日再解答歌手吳業坤、吳若希、許志安及周柏豪的發問。吳業坤自嘲口才欠佳,獲黎明「指點」說話技巧,有幸學以致用!而吳若希向黎明請教如何表達情緒,雖然已獲詳細解答,但似乎仍不明白,更化身問題少女,一問再問!黎明吳業坤Leon對坤坤的髮型特別有興趣,點解戴帽都可以平蔭?吳若希 ...


被譽為「金句王」的黎明(Leon)前日在《東網巨星》專題節目《黎明話你知》解答市民提問,昨日再解答歌手吳業坤、吳若希、許志安及周柏豪的發問。吳業坤自嘲口才欠佳,獲黎明「指點」說話技巧,有幸學以致用!而吳若希向黎明請教如何表達情緒,雖然已獲詳細解答,但似乎仍不明白,更化身問題少女,一問再問!

黎明

吳業坤

Leon對坤坤的髮型特別有興趣,點解戴帽都可以平蔭?

吳若希

許志安

周柏豪

黎明

吳業坤口窒窒…求秘笈

吳業坤:點解我鍾意黎明?因為我細個已經畀阿媽薰陶!佢真係好鍾意黎明,依家可以同黎明講嘢,簡直係我嘅夢想!阿媽匯應通投票,係會搵埋啲人嘅身份證嚟投畀你!你真係要,真係……唉!好緊張,好興奮呀!你一定要請阿媽睇你嚟緊嗰個演唱會,喺4月幾開嗰個呢,真係要呀!不過我有啲嘢想問吓你,其實我講嘢就唔叻,我知你有好多金句,如果畀記者問到口啞啞嘅時候,我可以點樣答呢?

黎明:(除帽後再戴帽)佢(指吳業坤)齊蔭o架?我想研究佢個頭,點解戴完帽都可以平蔭嘅?算啦,唔睇聽佢講金句,聽佢講乜畀人問到口啞啞點答?唔識答咪唔好答囉!冇得講落去o架,Dead Air!

坤坤開騷抓捧場 「可唔可以坐喺我阿媽隔籬?」

吳業坤經指點後「一理通,百理明」,又向黎明提出不情之請:「多謝你答我問題呀!我有學以致用o架,我頭先都有咁回應啲記者,佢哋都好滿意!我會嚟睇你演唱會o架!仲有呀,如果我開演唱會,你會唔會嚟呀?你可唔可以坐喺我阿媽隔籬?佢好鍾意你o架!」

睇風水? 所有嘢都係命運!

吳若希:Hello,黎生,我係Jinny!你曾經講過黎明只可以信7成,咁我又想問吓喇,依家嘅你可以信幾多成呢?

黎明(認真Mode):呢個問題好有挑戰性,幾年前同你講可以信7成,唔係信我,其實係信邊個都唔好信晒,係咪時間可以證明到畀你睇?就算我講今日百分之一百啱嘅嘢,但時間都會將我真正嘅原意、設定嘅真誠扭曲到變咗唔係。

吳若希:我又想問你呀,你有冇試過睇相呢?同埋你迷唔迷信o架?

黎明(繼續認真Mode):我都會睇吓相,聽吓人講嘢,聽完再自己分析吓囉!啱咪聽囉,能夠做到咪試吓囉!咁通常都冇乜用o架,點解呢?你哋發唔發覺當你遇到問題,好唔順嘅時候,你會開始睇相、睇風水?風水話你聽:「係呀呢排唔順呀,過一排就好啲o架」其實你順嘅時候你又唔會睇風水,所有嘢都係命運嚟o架!風水、命格、命相,全部都畀你係一個心靈雞湯,唔好太過在意,有個目標當然好咁風水都唔係假嘅,有科學根據,羅庚呀、中國歷史呀,不過唔好太沉迷。

吳若希:同埋我有樣嘢又好想問你,之前你講過因為你豁達,所以唔介意啲人話你唔豁達,咁如果我想表現到好開心,有乜方法可以表現到自己好開心呢?

黎明:我冇o架,從來唔開心就表現唔開心,如果嗰日EQ低啲,我就會表現得好靜,好真實o架。

吳若希:黎明話你知,睇完心思思

吳若希聽過黎明的回覆後笑個不停,然後發揮問題少女本色繼續追問,似乎不太明白「錦囊」所言,她說:「黎明話你知,睇完我都係心思思!究竟點解黎生答嘢答得咁玄嘅?其實都唔係嘅,迷信嗰Part我自己都係咁,但係另外一Part,即係點樣表現開心唔開心,你會照直表現,我就可能做唔到,因為我唔係黎生,我驚自己匿埋一邊Lonely時,可能就會畀人話我黑面,因為冇表情就會畀人話係黑面,所以都係解決唔到,咁點算呀黎生?」

許志安:1+1-1x1÷1=? 「答你都嘥時間!」

許志安:我知道黎明咩問題都應該識答、咩問題都可以迎刃而解嘅!依家我就問一條好深嘅問題,睇吓你點答!聽住,黎明我想問你,1加1減1乘1除1等於幾多?

黎明(大笑,諗都唔諗即答):係唔識,答你都嘥時間,繼續……!

許志安:如果唔答呢條問題,我都可以畀你揀過第2條問題嘅,深啲,1加1等於幾多?

黎明(擺出V字手勢):2囉!多謝你,呢個答你!

周柏豪自薦寫歌 「我係唔會出碟嘅」

周柏豪:Leon,你好!我係周柏豪,係你小小嘅歌迷,我想問吓,你幾時會再出唱片又需要人寫歌呢?我一定有好多時間寫歌畀你o架!

黎明(興奮大笑):太好周柏豪你寫歌畀我,我完全願意接受!但我話你聽,我係唔會出碟嘅,唱完送畀大家聽(點解?)仲有人買碟o架咩?

採:音樂組

文:專案組

黎明

吳業坤

Leon對坤坤的髮型特別有興趣,點解戴帽都可以平蔭?

吳若希

許志安

周柏豪

黎明


來源 source: http://the-sun.on.cc
鍾意就快D Share啦!