掃呢頁CODE去手機

2016年3月17日 星期四

細佬爬頭娶落選亞姐 李彩華心急:我日日都祈禱想快啲! [壹週刊 - 1358] 亞姐,李彩華,M1,亞洲小姐

娛樂偵訊細佬爬頭娶落選亞姐 李彩華心急:我日日都祈禱想快啲!長期在內地賺人仔的李彩華,賺落四層樓,32歲富婆仔,去年撻着無綫過氣五虎之一何遠恒,但戀情一直未為當事人確認。李彩華未搞掂,年初還被胞弟李健忠爬頭,跟選過亞姐、女子組合JellyGirls成員林曉園閃婚,有份見證的Rain葡萄:「我而家日日都祈禱,希望自己快啲搵到。」翻版吳美珩李彩華胞弟李健忠,今年一月跟女子組合JellyGirls成員之 ...


娛樂偵訊

細佬爬頭娶落選亞姐 李彩華心急:我日日都祈禱想快啲!

長期在內地賺人仔的李彩華,賺落四層樓, 32歲富婆仔,去年撻着無綫過氣五虎之一何遠恒,但戀情一直未為當事人確認。

李彩華未搞掂,年初還被胞弟李健忠爬頭,跟選過亞姐、女子組合 Jelly Girls成員林曉園閃婚,有份見證的 Rain葡萄:「我而家日日都祈禱,希望自己快啲搵到。」

翻版吳美珩

李彩華胞弟李健忠,今年一月跟女子組合 Jelly Girls成員之一林曉園 GiGi,在紅棉道註冊結婚。○七年曾參選亞姐的林曉園,有翻版吳美珩之稱,去年中跟李健忠在朋友聚會認識後,一拍即合,拍拖半年,決定結婚。

「啲人以為 GiGi有咗所以咁快結婚,其實唔係嗰回事!佢哋拍拖無耐已經一齊住,既然都認定對方係另一半,咪索性結婚囉。註冊嗰日,喺大陸拍緊戲嘅 Rain都特登請假返嚟。不過兩個人怕煩,所以冇大搞,註冊完同親戚食餐飯就算,不過啲朋友就要佢哋再搞 party慶祝。」知情者說。

註冊當日,屋企人都有出席, Rain表現得特別開心。

Rain細佬李健忠因為外形不錯,曾經跟家姐、湯鎮業做過美容院代言人。

二人註冊後,在 Facebook大晒證書及結婚戒指。

未係成熟時

細佬爬頭閃婚,失驚無神做咗大姑奶的李彩華開心又葡萄。

「搵到自己鍾意嘅人好值得開心,不過我成日喺大陸做嘢,所以同佢哋見面機會唔係咁多。(有冇心急結婚?)我而家咪日日祈禱,望快啲搵到啱嘅。不過自己都好忙,拍完劇又要拍電影,今年都冇時間。(何遠恒係咪 Mr. Right?)唔好問啦,低調啲好,總之而家開心咪得囉。」

三十二歲李彩華夠鐘嫁,但 Rain媽就一啲都唔急,亦冇擔心個女攝灶罅而催婚。

「結婚唔可以心急嘅,就好似食生果咁,成熟啱時候就食,未夠成熟,就唔可以夾硬食嘅。」 Rain媽說。

14年,有身材的林曉園(左一)同徐子珊拍瘦身廣告,三點式出鏡。

由一班女仔組成的 Jelly Girls,除林曉園(後左一)外,還包括周永恒前小三 Ruby(後左二)及「翻版柏芝」陶枳樽(後左三)等𡃁模。

早前跟王祖藍、蔡少芬等被邀參加人氣節目《奔跑吧!兄弟 3》, Rain玩得好落力。



辛苦得來自在使,在內地拍電影狂賺人仔,間唔中回港的她,多次被拍到行名店購物。

跟何遠恒 14年傳出拍拖,直至去年底, Rain才肯承認二人關係。

恨嫁的心

女星有財有樣有條件,對自己心水 Mr. Right更加可遇不可求,圈中恨嫁想做人妻的,一籮籮計,惟有繼續等。

陳慧嫻

擺明恨嫁的五張陳慧嫻,對 34歲鄺祖德大方示愛卻食檸檬,事關對方有顆攣攣的心,傻女撞晒板。

胡定欣

34歲的胡定欣,跟前度 Patt拍拖時已聲稱視對方為結婚對象,前年爆出跟音樂人陳道明拍拖後,心急做人妻的她火速同男友同居,又揚言想做猴年新娘。

撰文、攝影、攝錄:娛樂組


鍾意就快D Share啦!