掃呢頁CODE去手機

2016年3月17日 星期四

戴夢夢硬食好傷 [壹週刊 - 1358] 夢夢,M1,戴夢夢

同你吟一吟戴夢夢硬食好傷同生得自己出嘅太極鼓手Ricky撻着後,31歲戴夢夢唔怕變成破壞人家庭嘅第三者,亦唔理人夫同正印傾唔掂數仲未離婚,總之個男人,我嘅!為咗五張Ricky,戴夢夢將自己大兜亂,試過當街剝裙晒pat,甚至唔理架車行緊照開門跳車!但另方面,佢又可以對男友千依百順,湊仔做阿四,好兩極!有日《壹》仔見到Ricky揸咗架七人車,載住夢夢同個仔,「一家人」由跑馬地落北角,去到渣華道,夢夢落 ...


同你吟一吟

戴夢夢硬食好傷

同生得自己出嘅太極鼓手 Ricky撻着後, 31歲戴夢夢唔怕變成破壞人家庭嘅第三者,亦唔理人夫同正印傾唔掂數仲未離婚,總之個男人,我嘅!

為咗五張 Ricky,戴夢夢將自己大兜亂,試過當街剝裙晒 pat,甚至唔理架車行緊照開門跳車!但另方面,佢又可以對男友千依百順,湊仔做阿四,好兩極!

有日《壹》仔見到 Ricky揸咗架七人車,載住夢夢同個仔,「一家人」由跑馬地落北角,去到渣華道,夢夢落車入去屈臣士買藥,又隨手買咗盒朱古力俾 Ricky個仔。

27年夫妻話變就變,但對十幾歲、生活有障礙要人照顧嘅囝囝, Ricky就冇辦法置之不理,亦因為咁,冇可能同老婆 Anne一刀切。一段感情關係,四個人,實在太逼!戴夢夢硬食其實好傷;亦唔係你肯打死罷就,咁就過骨嘅。

旁邊咁多車,戴夢夢照開門攝落車,好心急!

只係想買藥嘅戴夢夢,專登買多盒朱古力氹 Ricky仔。

見到鏡頭,揮手招呼。

坐後座嘅 Ricky仔,好奇望住鏡頭。

撰文:八珍


鍾意就快D Share啦!