光天化日 鄭俊弘 honey被鹹濕 [壹週刊 - 1358] __,鄭俊弘,M1,

同你吟一吟光天化日　鄭俊弘honey被鹹濕兩年幾前，鄭俊弘領養咗隻同主人走失嘅拉布拉多，加晒分！為咗同狗狗好好相處，佢安排狗狗定期跟教練上堂，就算去到元朗山長水遠，嘥油錢又花時間，一樣任勞任怨。養得寵物就要好似鄭俊弘咁有責任！呢一日，佢又專登帶咗Riley去數碼港附近塊大草地放電，玩波餵水服侍周到。全黑色嘅Riley毛色烏卒卒又唔過肥，靚女到俾另一隻狗狗鹹濕，追住係咁擒，好在男女雙方家長立即阻止， ...

同你吟一吟

光天化日　鄭俊弘 honey被鹹濕

兩年幾前，鄭俊弘領養咗隻同主人走失嘅拉布拉多，加晒分！為咗同狗狗好好相處，佢安排狗狗定期跟教練上堂，就算去到元朗山長水遠，嘥油錢又花時間，一樣任勞任怨。

養得寵物就要好似鄭俊弘咁有責任！呢一日，佢又專登帶咗 Riley去數碼港附近塊大草地放電，玩波餵水服侍周到。

全黑色嘅 Riley毛色烏卒卒又唔過肥，靚女到俾另一隻狗狗鹹濕，追住係咁擒，好在男女雙方家長立即阻止，安全！冇搞出狗命。

就係呢隻鹹濕仔，全程黐响 Riley附近伺機郁手，一二三就嚟，鄭俊弘第一時間撲前阻止。

鹹濕仔曳曳，俾媽咪訓話。

鄭俊弘教狗有方， Riley同其他狗狗打招呼，好友善。

帶狗狗去放電，拋波波係例牌活動。

鄭俊弘準備充足，帶定水同水兜俾寶貝女解渴。

撰文：八珍

來源 source: http://hk.next.nextmedia.com

鍾意就快D Share啦！

下一篇 》