掃呢頁CODE去手機

2016年3月17日 星期四

甩拖邵美琪四正番 [壹週刊 - 1358] __,邵美琪,M1,

回復狀態嘅邵美琪,睇落唔似51歲。同你吟一吟甩拖邵美琪四正番一個人行運唔行運,其實同心情好有關連,有諸內形於外,所以有樣睇。同拍拖六年嘅前度施祖男分手前嗰年幾兩年,邵美琪面腫皮鬆,勁殘。舊年初公布姊弟戀玩完,佢用咗大半年時間,調整心情,加埋張兆輝老婆一對神手,內外夾攻,成個人正常番。早個禮拜,邵美琪同個朋友喺銅鑼灣行完超市再去南貨鋪買嘢,戴眼鏡冇化妝,只係搽咗少少唇膏嘅佢,之前個大面V番晒,容光煥 ...


回復狀態嘅邵美琪,睇落唔似 51歲。

同你吟一吟

甩拖邵美琪四正番

一個人行運唔行運,其實同心情好有關連,有諸內形於外,所以有樣睇。

同拍拖六年嘅前度施祖男分手前嗰年幾兩年,邵美琪面腫皮鬆,勁殘。舊年初公布姊弟戀玩完,佢用咗大半年時間,調整心情,加埋張兆輝老婆一對神手,內外夾攻,成個人正常番。

早個禮拜,邵美琪同個朋友喺銅鑼灣行完超市再去南貨鋪買嘢,戴眼鏡冇化妝,只係搽咗少少唇膏嘅佢,之前個大面 V番晒,容光煥發!

以邵美琪現階段狀態計,真係甩拖靚過拍拖,所以,唔啱就換,千祈咪拖!

邵美琪手指指嘅,係一嚿嚿切開咗嘅火方(圓圈)。

喺老三陽乾濕貨都睇吓。

全程同友人雞啄唔斷嘅邵美琪,甩拖後個大塊面凹番尖番,正常晒!

撰文:八珍


鍾意就快D Share啦!