掃呢頁CODE去手機

2016年3月17日 星期四

速水直道 料理男神 [壹週刊 - 1358] __,M1,

日本型男速水直道到港舉行見面會,宣傳烹飪節目《MOCO'sKitchen》,雖然無即席下廚,不過簽個名已經令fans暈得一陣陣。日韓到會速水直道 料理男神香港嘅烹飪節目,一係就睇肥媽好似教仔咁鬧六號,一係就睇李錦聯同安德尊唇槍舌劍,趣味十足,不過似乎吸引唔到女仔觀眾。日本人就醒目,烹飪節目梗係搵個靚仔去吸引女觀眾。日本型男速水直道喺藝能界發展平平,五年前開始主持烹飪節目《MOCO'sKitchen ...


日本型男速水直道到港舉行見面會,宣傳烹飪節目《 MOCO's Kitchen》,雖然無即席下廚,不過簽個名已經令 fans暈得一陣陣。

日韓到會

速水直道 料理男神

香港嘅烹飪節目,一係就睇肥媽好似教仔咁鬧六號,一係就睇李錦聯同安德尊唇槍舌劍,趣味十足,不過似乎吸引唔到女仔觀眾。

日本人就醒目,烹飪節目梗係搵個靚仔去吸引女觀眾。日本型男速水直道喺藝能界發展平平,五年前開始主持烹飪節目《 MOCO's Kitchen》,靚仔高大又識烹飪,立即成為師奶殺手!最近節目登陸香港,速水直道仲特別到訪香港舉行粉絲見面會,一班 fans見到偶像非常雀躍,速水出盡冧招,搞到尖叫聲不斷!廚藝了得仲要靚仔,香港節目真係點都比唔上!

從後環抱穿圍裙

對女孩子嚟講,男仔有一技之長特別殺食,最吸引到女仔,係識煮飯!速水直道今年 31歲, 2002年出道,演出過《我 miss係大佬》以及《絕對達令》等等,不過始終未有代表作。幾年前開始主持烹飪節目,估唔到大受歡迎!今次到訪香港,舉行小型見面會, 186cm高嘅速水,一身黑白條紋西裝帥氣登場,現場 100位粉絲立即尖叫聲不斷,佢仲非常識做,用廣東話講「大家好」同大家打招呼。速水首先分享自己喺香港嘅行程,原來佢去咗飲茶,食咗好精美嘅豬形包點,點知用筷子篤豬仔隻眼睛時,有奶黃流出來,令佢十分驚奇!

之後當然唔少得同 fans玩遊戲,三位幸運 fans被選中玩疊膠杯遊戲,最後三位 fans都有獎,係速水親筆簽名嘅圍裙,寫咗 fans嘅名之後,仲從後幫 fans穿上圍裙,再賣大包握手兼抱抱, fans難掩興奮之情,眼泛淚光手都震埋,可見魅力有幾勁!

從後穿著圍裙呢一招一啲都唔易,首先要夠高,手夠長攬住個女仔,唔係人人做到㗎!

見面會上速水同 fans言談甚歡,難得佢唔介意同 fans近距離接觸,握手抱抱做齊,非常親民。

「難食都要照食」

其實今次速水直道嚟香港,舉行見面會之餘,仲喺香港進行為期五日嘅拍攝,原來佢去咗大澳,食咗當地名產鹹魚,佢話非常惹味,可惜唔可以帶返去日本。有人話女孩子要「留住男人的心,先留住他的胃」,廚藝了得嘅速水就話非常同意:「我覺得女仔識煮飯一定大大加分,不過好食與否,都是女朋友的一份心意。當然好食更加好,但隨着時間見到她有進步也不錯。」但係如果真係好難食點啃呀?「作為男士,無論如何都一定要說好食,因為係食份心意,不過當女朋友擰轉面,就自行處理了。」有靚仔外表,精湛廚藝,仲有一份包容女朋友嘅溫柔,咁至稱得上係男神㗎!港男學嘢喇!

速水非常識做,簽名都要寫埋 fans個名,女 fans望住佢已經開心到暈。

速水已經為節目炮製超過 1,200款美食,錄影節目時,仲會用剩低嘅材料下廚,煮飯俾工作人員食,大受好評。

《 MOCO's Kitchen》

日期:逢星期二晚上

時間: 10:10pm

頻道: GEM( nowTV 151台)

網站:http://www.gemtvasia-hk.com/moco

撰文:關錦雯


鍾意就快D Share啦!