掃呢頁CODE去手機

2016年3月17日 星期四

老婆生日搞驚喜  Eason交人又交心 [壹週刊 - 1358] Eason,M1,陳奕迅

阿徐42歲生日,唔鍾意做運動的Eason踩單車落場,陪老婆練跑。探熱針老婆生日搞驚喜 Eason交人又交心除咗shopping,Eason嫂徐濠縈最長情嘅就係跑步。跑馬拉松跑到出賽美洲,「肯亞徐」絕對唔係浪得虛名!早前阿徐42歲生日,講明唔鍾意做運動,周身肥肉的Eason為氹老婆,當日踩住單車陪老婆跑山做陪跑員。兩公婆一個跑,一個踩,之後Eason更玩驚喜送上大大紮花,冧爆阿徐ig放閃話:「他只可 ...


阿徐 42歲生日,唔鍾意做運動的 Eason踩單車落場,陪老婆練跑。

探熱針

老婆生日搞驚喜  Eason交人又交心

除咗 shopping, Eason嫂徐濠縈最長情嘅就係跑步。跑馬拉松跑到出賽美洲,「肯亞徐」絕對唔係浪得虛名!

早前阿徐 42歲生日,講明唔鍾意做運動,周身肥肉的 Eason為氹老婆,當日踩住單車陪老婆跑山做陪跑員。兩公婆一個跑,一個踩,之後 Eason更玩驚喜送上大大紮花,冧爆阿徐 ig放閃話:「他只可以用單車追我,我有我跑步,生日陪跑員。」

連買 2億豪宅都淨係寫徐濠縈名,陪老婆 birthday run, Eason交人又交心!

驚老婆凍親

四十二歲 keep得住鋼條身形,「肯亞徐」全年無休,就算生日,一樣唔偷懶!

老婆生日大晒,放完假,重新投入巡迴演唱的「陳永安」 Eason停工一日,踩住架單車,沿途做陪跑員陪住老婆跑步。

當日下晝三點,全身熒光黃色,運動 bra加短褲, sharp爆的阿徐企埋一邊拉筋, Eason就將單車停埋路邊,同老友何超儀一邊煲煙一邊吹水。

等阿徐做完伸展運動,一行三人再去附近的 cafe飲 tea。天氣凍加上山上大風, Eason見老婆著住 bra top,即刻除咗身上的風褸要阿徐著,好貼心!

坐低薯條送咖啡的 Eason,繼續發揮「吹神」本色,全程 talk show一樣,講唔停口,仲七情上面,鬼咁肉緊。吹足成粒鐘,先埋單走人。

生日前夕, Eason叫埋 Wyman等一班老友搞 surprise party,陪老婆過 12點迎生。

跑完 11K, Eason送花玩驚喜,阿徐冧爆放上 ig放閃。

跑完唔索氣

Eason同阿徐陪超儀去停車場攞車後,兩公婆繼續運動日, Eason踩單車,阿徐跑步,由淺水灣返壽臣山屋企。

其間 Eason一直領先在前面帶路,阿徐就尾隨老公的單車慢跑。約廿分鐘跑程,對「肯亞徐」實在濕濕碎,輕鬆跑,完全唔索氣。

陪跑員 Eason早一步返到屋企,但他專登在門囗兜多幾個圈,等埋老婆。

趁阿徐做伸展運動期間, Eason將單車泊埋一邊,同何超儀煲煙吹水。

見阿徐著住個 bra top, Eason即刻除低身上風褸俾老婆。

一行三人在附近 cafe歎下午茶,壽星女拎住電話玩自拍, Eason就發揮「吹神」本色,全程講唔停口。

踩單車的 Eason快過阿徐返到屋企,仲喺門口不停兜圈等老婆。

撰文、攝影、攝錄:娛樂組


鍾意就快D Share啦!